Бульвар булырга тиеш

2015 елның 10 апреле, җомга
Былтыр көз Адав-Толымбай авылында Бөек Җиңүнең 70 еллыгын каршылап Урта урамны Җиңү паркы итеп үзгәртә башлаган идек. Бүгенге көнгә авыл халкы, читтә яшәүче якташларыбыз  ярдәме белән күп эш эшләнде. Солдат һәйкәле янына килә торган үзәк аллеяның җиде баскычы плитәләрен сүтеп, яңадан урнаштырдык. Сугыш кырларында башларын салган һәм аннан исән-сау кайткан 408 авылдашыбызның исем-фамилияләре мәрмәр ташка чокып языла. Хәзер алар беркетеләчәк тумбаларны ясау белән мәшгульбез. Моңа калай сатып алдык, фонарьларга, утларны беркетү җайланмаларына, заманча үткәргечләргә заказ бирдек. Брусчатка җәясе, туфрак кайтарасы, газон үләне чәчәсе, тагын әллә ничаклы эшләр бар әле. 98 кешенең уртак ярдәме белән җыелган 89,7 мең сум акча шушы хезмәтләргә китеп барачак. Рәхмәт, бик күпләр хуплады бу изге эшне. Астана шәһәреннән кадәр акча җибәрүчеләр булды. Башлаган эшне башкарып чыгу өчен сезнең ярдәмгә ышанабыз, кадерле авылдашлар, якташлар. Әлбәттә, моңа беркем дә мәҗбүр итә алмый. Кем ничек булыша ала. 9 Май көнен, хөрмәтле ветераннарыбыз, кайта алмаучыларның балалары, якыннары белән Җиңү бульварында каршылыйсы иде. Белешмәләр өчен телефон: 89600508681.
Фәрит САДРИЕВ.
Буа шәһәре.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International