Гөлнур Айзетуллова: “Бакый Урманче эшләгәнне карап торганым бар”

2015 елның 20 мае, чәршәмбе
Р. Сәгъдиев исемендәге мәктәпнең татар теле һәм әдәбияты укытучысы Гөлнур Айзетуллова бу хатирәсен сынчының Күл Черкене авылында үткән Музей бәйрәмендә сөйләде.
“Студент елларында Бакый ага Урманченең Академик Королев урамындагы остаханәсенә бара идек. Озын кара алъяпкычын бәйләгән килеш нидер эшләп утырганы бүгенгедәй күз алдымда.  Студентлар килгәнне бик ярата иде. Бар эшен туктатып торып,   сөйләшә иде. Шулай берсендә өстемә чәчәкле кримплен тукымадан күлмәк кигән идем. Урманченың күзе шуның чәчәкләренә төште, берсенең эскизын да алып калды. Минем күлмәк чәчәген кайда кулланганын гына әйтә алмыйм. Икенче юлы Бакый аганың Дәрдмән сынын ясаган чагына туры килдек. Кызыгып карап торганыбызны күреп, безгә дә агачны юнып карарга  рөхсәт итте.
 Остаханәнең икенче катында яшәде ул. Хатыны Флора ханым без килгән саен үләннәрдән чәй ясап, сыйламыйча калмый иде” , - диде ул.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International