Буа район хуҗалыкларында шикәр чөгендерен алу ничек бара?

Район хуҗалыкларында шикәр чөгендерен алу ахырына якынлаша. 25 октябрьгә ул барлык мәйданның 89 процентында җир өстенә чыгарылды.

Авыл хуҗалыгы һәм азык-төлек идарәсеннән алынган мәгълүматларга караганда, аны казу “Авангард” агрофирмасында, “Ак Барс Буа” агрофирмасының 2, 3, 4 номерлы филиалларында,”Ямбулат”та төгәлләнгән,  “АгроНур”да  соңгы гектарларда бара. Бу көнгә барлыгы 312 мең тоннага якын чимал казылган. Әлегә һәр гектардан уртача уңыш 384 центнер тәшкил итә. “Ямбулат”та ул 760, “Авангард”та – 530, “Коммуна”да 400 центнерга тиң.