"Һәр кошчыкка җимлек"

2019 елның 23 гыйнвары, чәршәмбе

"Чайка" балалар сәламәтләндерү лагере янындагы Нарат урманында "Һәр кошчыкка җимлек" акциясе оештырылды. Анда Татарстан Республикасы Экология һәм табигый байлыклар министрлыгының Идел Аръягы территориаль идарәсе вәкиле Ваһапова Г. А., "АБВГДЕЙКа"балалар бакчасы ата-аналары һәм педагоглары катнашты. Акция барышында үз куллары белән ясалган гадәти булмаган һәм матур җимлекләр эленде. Үткәрелгән акция кошларга файда китерү белән генә тәмамланмады, балаларның танып-белү активлыгын һәм әхлаклы үзаңын үстерүгә дә ярдәм итте. Ата-аналарның мондый игътибар һәм энтузиазм белән балалар бакчасы тормышында катнашуы бик күңелле.