Алдан сайлауларның беренче көнендә Буа районында 30%ка якын сайлаучы тавыш бирде.

12 сентябрь 2020 ел., шимбә

Алдан сайлауларның беренче көнендә Буа районында 30% ка якын сайлаучы тавыш бирде. Авыл халкы шәһәрлеләрдән бераз активрак булып чыкты. Шунысын да билгеләп үтәргә кирәк, шәһәрдә 628, авылларда 405 сайлаучы тавыш бирде.

Шәһәр мәчетләренең бер имамы Фәһим Сөләйманов сайлау участогына беренче көнне  үк килде. Фәһим Рәхимҗан улы Көнбатыш бистәсендә урнашкан "Хаҗилар" мәчете имамы.

 -  Төрле милләт кешеләре тату, бер гаилә булып яши безнең бистәдә. Шатлыкта да, бәладә дә без бердәм. Мәсәлән, янгыннан зыян күргән берничә гаиләгә ярдәм иттек. Мин күпмилләтле Татарстанда яшәвем белән горурланам. Киләчәктә дә  аның шундый булуына ышанып тавыш бирдем, - дип билгеләп үтте ул.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International