Билгесез солдат көнендә районда 1941-1945 еллардагы Бөек Ватан сугышында һәлак булган һәм вафат булган сугышчыларны искә алдылар.
Бүген, 3 декабрьдә Билгесез солдат көнендә без һәлак булган сугышчыларыбызны – 1941-1945 еллардагы Бөек Ватан сугышы геройларын искә алабыз. Билгесез солдат - ул үз иле өчен гомерен биргән кеше символы.
Буа шәһәренең үзәк мәйданында ил территориясендә яки аннан читтә хәрби хәрәкәтләрдә һәлак булган Россия һәм Совет сугышчылары истәлегенә Мемориаль комплекска веноклар һәм чәчәкләр салу тантанасы булды. Чара Буа муниципаль районы башкарма комитеты җитәкчесе вазыйфаларын башкаручы Альберт Вәлиулов, район башкарма комитеты җитәкчесенең социаль мәсьәләләр буенча урынбасары Лилия Садретдинова, шулай ук Яшь армиячеләр һәм "Форпост" хәрәкәте активистлары катнашында узды.
Әйтергә кирәк, районның барлык авыл җирлекләрендә дә якташларыбызны искә алдылар.