« Сәламәт гаилә-көчле Россия!» акциясендә катнашыгыз
Авыр тормыш хәлендә булган балаларга ярдәм итү Фонды "Мәскәү шәһәренең күп балалы гаиләләре берләшмәсе" Региональ иҗтимагый оешмасы белән берлектә «Күп балалы Россия» бөтенроссия проектын тормышка ашыра. Проект күп балалы гаиләләрнең уңай образын формалаштыруга һәм гаиләләрнең тормыш сыйфатын яхшырту, социаль лифтлар булдыру һәм илдә демографик хәлне яхшыртуга юнәлтелгән. 2020 елда проектта Россиянең 75 төбәгеннән һәм йөзләгән мең гаилә катнашты.
2021 елда проект кысаларында «Сәламәт гаилә-көчле Россия!» спорт фестивале уза. Фестивальнең төп максаты-үткәрелә торган чаралар барышында (конкурслар, спорт, онлайн тренировкалар, семинарлар, лекцияләр һәм мастер-класслар) гаилә әгъзаларында сәламәт яшәү рәвешен алып бару һәм үз сәламәтлегеңә җаваплы караш формалаштыру. Чарада төрле этапларда катнашуга федераль һәм төбәк дәрәҗәсендәге башкарма һәм закон чыгару хакимияте вәкилләре, эксперт җәмәгатьчелеге, күп балалы гаиләләр җәлеп ителәчәк.
Моннан тыш, фестиваль кысаларында ярдәм үзәге эше оештырылачак, анда гаиләләр физиологик үсеш һәм туклану үзенчәлекләре турында консультация һәм кирәкле белемнәрне, баланы сәламәт яшәү рәвешенә мотивацияләү ысуллары һәм кече яшьтән сәламәт яшәү рәвешенең тотрыклы моделен формалаштыру турында мәгълүмат ала алачаклар.
2021 елда фестиваль чаралары:
- «Күпбалалы Россия» рекордлар китабы конкурсы- 10 апрель 2021- 15 июль 2021,проект сайтында онлайн форматта.
- «Күпбалалы Россия» китабын бастырып чыгару (2000 экземплярда) 15 июнь 2021 - 15 август 2021 ел
3) «Милләт сәламәтлеге» конкурсы- физик үсеш һәм сәламәт туклануга юнәлтелгән спорт гаилә конкурслары сериясе 2021 елның 10 апреленнән 2021 елның 10 июненә кадәр, проектның онлайн сайтында
4) «Спасибо за то, что мы живы!» 2021 елның 10 апреленнән 2021 елның 20 июненә кадәр проектның онлайн сайтында Бөтенроссия конкурсы
5) Бөтенроссия велоузышы 2021 елның 1 маеннан 23 маена кадәр, офлайн, шәһәр урамнары һәм парклары
6) «Родители агенты влияния» программасы 2021 елның 10 апреленнән 2021 елның 15 июленә кадәр, проектның онлайн сайтында.
7) 2021 елның 15 апреленнән 2021 елның 15 сентябренә кадәр сәламәт туклану буенча Мастер – класслар һәм лекцияләр, проект сайтында онлайнформатта үтәчәк. Барлык кызыксынган ата-аналарга абруйлы диетологлар, эндокринологлар, гастроэнтерологлар, психологлар һәм өлкәннәр арасында артык авырлык проблемасы белән эшләүче башка белгечләр белән онлайн-семинарларда катнашу мөмкинлеге булдырылган.
«Сәламәт гаилә-көчле Россия» Бөтенроссия фестивале финалы чарасы июль аенда Мәскәүдә узачак. Саф һавада масштаблы чара үткәрү планлаштырыла, анда фестиваль кысаларында иң югары нәтиҗәләр күрсәткән күп балалы гаиләләр бүләкләнәчәк.
«Сәламәт гаилә-көчле Россия » Бөтенроссия фестивале турында тулырак мәгълүмат проект сайтында түбәндәге адрес буенча урнаштырылган: https://многодетные-семьи.рф/sport-festiva