Буада «Конституция - дәүләтнең төп законы» темасына патриотик тәрбия сәгате узды
Конституция көне Россиянең иң мөһим дәүләт бәйрәмнәренең берсе булып тора һәм ел саен 12 декабрьдә билгеләп үтелә. Шушы уңайдан Буа районы «Гармония» халыкны социаль тәэмин итү комплекслы үзәгенең гаиләгә һәм балаларга социаль ярдәм бүлеге белгече 2021 елның 13 декабрендә социаль участокта «Конституция - дәүләтнең төп законы» дигән темага патриотик тәрбия сәгате үткәрде.
Дәреснең максаты: безнең дәүләтнең конституцион нигезләре турында белемнәрне киңәйтү; Конституцияне Төп закон буларак белү кирәклеген аңлау; үз Ватаныңа карата горурлык, хөрмәт һәм мәхәббәт тәрбияләү.
Дәрес барышында белгеч Конституциянең барлыкка килү тарихы турында сөйләде, аның структурасы белән таныштырды, «Федерация», «Президент», «Парламент», «РФ Хөкүмәте», «РФ Конституциясе» сәясәтенең төп төшенчәләренә билгеләмә бирде. Белгеч шулай ук балаларга һәр гражданинның хокукларыннан тыш, бурычлары да булуын искә төшерде. Укучылар зур кызыксыну белән Конституцияне белү викторинасында катнаштылар, анда кеше хокуклары һәм бурычлары белән бәйле сорауларга җавап бирделәр.
Мондый чаралар Россия Федерациясе Конституциясенең, илнең Төп законы буларак, әһәмиятен аңлауга, яшүсмерләрдә гражданлык позициясе күнекмәләре, Конституция бурычын үтәүгә ихтыяҗ формалаштыруга ярдәм итә.