Татарстанда беренче тапкыр өлешләп төзүчегә милек хокукын теркәүгә төзүче тарафыннан электрон гариза бирелде
Өлешләп төзүдә катнашучының милек хокукы Татарстан Росреестры тарафыннан бер эш көне дәвамында теркәлгән. Күчемсез милек объекты (яңа төзелгән фатир) Яр Чаллы шәһәрендә урнашкан. Татарстанлыларда мондый мөмкинлек өлешләп төзүдә катнашу турындагы законга үзгәрешләр кертү белән барлыкка килде.
Исегезгә төшерәбез, төзүче тарафыннан өлешләп түләүче исеменнән Росреестрга документлар тапшыру хокукы 2020 елның 13 июленнән барлыкка килде. Әмма 2021 елның 30 декабреннән өлешләп төзү турында законның 16 статьясындагы 6 өлешенә (214-ФЗ) үзгәрешләр кертелде, алар мондый гаризаны электрон рәвештә бирү процессын тагын да җиңеләйтте.
Татарстан Республикасы буенча Росреестр идарәсе җитәкчесе урынбасары Лилия Борһанова аңлатканча, яңа кагыйдәләр буенча тапшыру актын кәгазьдә электрон рәвешкә күчерергә мөмкин. Моның өчен документны төзүче вәкиленең квалификацияле электрон имзасы белән сканерларга һәм таныкларга кирәк. Шул ук вакытта өлешләп түләүченең электрон имзасы таләп ителми, ә күрсәтелгән электрон документ кәгазьдәге кебек үк юридик көчкә ия. Өлешләп төзүдә катнашучыдан күрсәтелгән электрон документ ясаган өчен түләү шулай ук алынмый.
«Әгәр элек яңа төзелешләрдә күчемсез милеккә хокукларны теркәү процессында төзүчеләр, өлешчеләр, КФҮ һәм Росреестр җәлеп ителгән булса, хәзерге вакытта төзүчеләр гражданнар катнашыннан башка гаризалар бирә ала. Яңа тәртип гражданнар өчен хокукларны теркәү процедурасын гадиләштерүгә һәм кыскартуга юнәлдерелгән. Мәсәлән, әгәр документлар кәгазьдә бирелгән булса, өлешләп төзүдә катнашучының милке хокукын дәүләт теркәве вакыты, төзүче гаризасы нигезендә, 7-9 эш көне тәшкил итә, әгәр дә электрон рәвештә булса, сроклар хәтта бер эш көненә кадәр, мәсәлән, ипотека теркәгәндә кыскартылырга мөмкин».
Яңа тәртипнең уңайлылыгын төзүчеләр үзләре дә бәяләргә өлгерделәр. Әйтик, Татарстанда беренчеләрдән булып документлар тапшырган төзелеш компаниясе вәкиле Анна Кәлимуллина билгеләп үтте:
"Кичә без өлешләп түләүченең милек хокукын дәүләт теркәвенә алуга гаризалар биргәндә кабул итү-тапшыру актында электрон имзасы булу кирәклеге турында законнардагы үзгәрешләр турында белдек. 14: 00 сәгатьтә үк без беренче гаризаны электрон рәвештә, үз офисыбыздан, КФҮгә бармыйча тапшырдык һәм икенче көнне иртәнге сәгать 9да Татарстан росреестрыннан милек хокукы турында теркәлгән документлар килде инде. Теркәү вакыты бары тик бер эш көне генә тәшкил итә".