Товар бәясе бәя чегындагы бәягә туры килми

Товарны сатып алганда кулланучы еш кына  бәя чегындагы  һәм товар чегындагы бәясе арасындагы аерма белән очраша.

Сатучы, «Кулланучылар хокукларын яклау турында» 1992 елның 07 февралендәге  2300-1 номерлы Законның 10 статьясы нигезендә, кулланучыга товарлар турында кирәкле һәм дөрес мәгълүмат, шул исәптән товарның бәясе турында мәгълүматларны үз вакытында бирергә тиеш.

Товарны сатканда сәүдә предприятиеләрендә  бәя чегы ачык оферт булып тора, һәм сатучы товарны нәкъ менә офертта күрсәтелгән бәядән сатарга бурычлы.

Чектагы товар бәясе белән кулланучыга бәя арасындагы аерманы кире кайтару турындагы таләпне сатучыга язма формада күрсәтергә кирәк (кибет вәкиле имзасы белән кулланучы үзенә калдыра торган ике нөсхәдә). Кулланучының таләбе 10 көн эчендә канәгатьләндерелергә тиеш. Әгәр кибет вәкиле дәгъва кабул итүдән баш тартса, аны кибетнең юридик адресына почта аша, заказлы хат белән җибәрергә кирәк. Мондый очракта кулланучының дәгъвалары язылган һәм адресатка китерелгән дигән дәлиле булачак.

Сатучы бәя белән чек арасындагы аерманы кире кайтарудан баш тартса, кулланучы, кулланучының хокукларын бозуны раслый торган документларның күчермәләрен кушып, судка дәгъва гаризасы белән мөрәҗәгать итәргә хокуклы.

Белешмә.

2021 елда Идарәгә гражданнарның чекта һәм ценникта бәяләрнең туры килмәве турында шикаятьләр белән 63 мөрәҗәгате килде. Сатучыларга мөрәҗәгатьләрне карау нәтиҗәләре буенча РФ КоАП 28.1 статьясы кысаларында административ хокук бозу турында РФ КоАП 14.15 статьясы, 14.7  статьясының 1 өлеше буенча 6 беркетмә төзелгән, 50 мең сумлык штраф салынган административ җаваплылыкка тарту турында 4 карар чыгарылган.