Июнь квитанцияләрен көтәбез алар чыгымнарны азайтырга тиеш

1 июньнән гомумйорт ихтыяҗына түләүләрне исәпләүгә үзгәрешләр кертелде. Яшәүчеләр файдасынамы-юкмы? Әлеге язмада шуны ачыкларга булдык.

Җылыту буенча

Россия Хөкүмәтенең 344 номерлы карары җылылыкны гомумйорт ихтыяҗына файдалануга аерым түләүне юкка чыгарды. Ягъни 2012 елга кадәр ОДН өчен аерым алмыйча гына җылылык өчен түләү  практикасы кире кайтарылды.

- Үзгәрешләрнең җылылыкка ОДН исәпләүгә кагылган өлеше безнең район өчен актуаль түгел. Казанда күп йортларда квартираларда шәхси һәм гомумйортка киткән җылылык энергиясен санаучы приборлар урнаштырылган. Аларның күрсәткечләре аермасы буенча ОДН исәпләнде. Ә бездәге күпкатлы йортларда бары тик бер генә – гомумйорт санагычы гына урнаштырылган, ә квартираларда юк һәм, шул сәбәпле, куллану күрсәткечләре аермасын санап булмый. ОДН өчен аерым түләү дә алынмады, - ди “Буа водоканалы”ның абонент бүлеге начальнигы Ралия Насыйбуллина.   

Суга түләүдә 

1 июньнән гомумйорт ихтыяҗына су куллану нормативлары үзгәрде. Хәзер алар өчен түләү гомуми файдаланудагы мәйданның квадрат метрларыннан чыгып алыначак. Исегезгә төшерәбез, элек квартирада яшәүчеләр санына карап иде. Ә гомуми файдаланудагы мәйданнар күпкатлы йортларда – баскычлар, баскыч мәй-данчыклары, коридорлар, тамбурлар, вестибюльләр, бала, инвалид арбасы кую урыннары, каравыл биналары. Моның белән бетте. Чардаклар һәм подваллар бу исемлеккә керми. 

ОДН суммасын киметүче сөенечле фактор – аннан су чыгару, ягъни канализация өчен түләүнең алынуы. Россия Хөкүмәте су чыгару системасы бары тик торак биналарда гына эшли, ә гомумйорт ихтыяҗына файдаланылмый, дигән нәтиҗәгә килде. Чынлап та, күпкатлы йортның баскыч мәйданчыкларында су чыгар урыннар юк бит!  

Моннан тыш, яңа карар  санау приборы куйдырмыйча исәпсез су кулланучы, кем әйтмешли “резин” квартира хуҗаларын да акылга китерәчәк. Моңа кадәр коммуналь хезмәтчелекләр аларның нормадан тыш кулланганын намуслы кулланучыларга бүлеп түләттеләр. Июньгә кадәр инженерлык челтәрләренә зыян килү аркасында барлыкка килгән югалтулар да милекчеләр кесәсеннән алынды. Хәзер ОДН суммасы йорт подвалындагы яисә башка торбалардан  аккан су хисабына күбәйсә,  яшәүчеләр бары тик норматив кысаларында түләячәкләр.  Аерма сумманы идарәче компания каплый. 

Электр 

энергиясен 

санауда

Гомумйорт ихтыяҗына электр энергиясе чыгымы өчен түләү элеккечә, диярлек кала. Яшәүчеләрдән асылда подъездларда янган  “ут” бәясе генә алына. Лифт булган йортларда – аның өчен дә. Яңа карарның авторлары фикеренчә, электр энергиясенә ОДН исәпләүгә түбән тарифлар кулланыла, димәк, яшәүчеләрдә ризасызлык тумаска тиеш.   Идарәчегә, кимендә 6 ай саен, йортлардагы исәп-хисап приборларының торышын һәм күрсәткечләренең  дөреслеген тикшерү йөкләнә (элек 3 ай иде). 

ЯҢА КАРАР ШӘХСИ ҺӘМ ГОМУМИ САНАГЫЧЛАРНЫ МӘҖБҮРИ КУЮ СРОГЫН 2015 ЕЛ- НЫҢ 1 ГЫЙНВАРЫНА КАДӘР ЧИГЕРДЕ. БУ ДАТАГА САНАГЫЧЛАР УРНАШТЫРМАГАН КУЛ ЛАНУЧЫЛАР  ТОРАК-КОММУНАЛЬ ХЕЗМӘТ- ЛӘР ӨЧЕН ҮСТЕРЕЛ- ГӘН ТАРИФЛАР БУЕНЧА ТҮЛӘЯЧӘКЛӘР.

ОДННЫ ЯҢАЧА ИСӘП-ЛӘҮГӘ КАРАТА WWW.-BUINSK-TAT.RU САЙТЫНДА ҮЗ ФИКЕРЕГЕЗНЕ БЕЛДЕРӘ АЛАСЫЗ.