Исәп-хисап кәгазендәге сумма белән килешмәсәгез

Замана кешесе үз торагын электрсыз, җылыту системасыз, суүткәргечләрсез һәм башка коммуналь хезмәт күрсәтүләрсез күз алдына да китерә алмый. Икенче яктан гражданнар кулланылган хезмәтләр өчен үз вакытында түләргә бурычлы.

2012 елның 1 сентябреннән коммуналь хезмәтләргә түләү күпкатлы һәм торак йортлардагы биналар милекчеләренә коммуналь хезмәт күрсәтү Кагыйдәләренә туры китереп  башкарыла. Аның нигезендә гомумйорт ихтыяҗына кулланылган коммуналь хезмәт күрсәтүләргә түләү исәпләнә һәм  кулланучылар арасында, шәхси исәп-хисап приборы күрсәткечләренә бәйсез рәвештә, бүленә, ягъни алар милкендәге торак һәм торак булмаган биналарның зурлыгына пропорциональ итеп. Моның өчен корректировкалау коэффициенты исәпләнә. Ул гомумйорт санагычы күрсәткече торак һәм торак булмаган биналарда куллану күләме аермасының шәхси исәп-хисаплардагы йортның торак һәм торак булмаган мәйданнары суммасы чагыштырмасына тиң.

Моннан тыш, теркәлгән һәм вакытлыча яшәмәүче гражданнарның саны үзгәрү, шәхси санагычлар күрсәткечләрен үз вакытында тапшырмау корректировкалау коэффициентына йогынты ясый. Күпкатлы йортның бер генә торак бинасы буенча да шәхси исәп-хисап приборы  күрсәткечен керткәндә дә кабат исәпләү йортның барлык шәхси исәп-хисаплары буенча автомат рәвештә башкарыла – кимү яисә арту  ягына. Кагыйдәнең 31 пунктының “е” пунктчасына туры китереп, башкаручы кулланучыга аның таләбе буенча бер эш көне эчендә гомумйорт санагычы күрсәткече белән танышу мөмкинлеге бирергә тиеш. 31 пунктының “д” пунктчасы буенча коммуналь хезмәт күрсәтүче, кулланучы турыдан-туры мөрәҗәгать иткәндә, түләүләрнең, исәпләнгән бурычларның һәм арттырып түләүләрнең, исәпләнгән пеняларның, штрафларның дөреслеген тикшерергә һәм аның нәтиҗәләре буенча аңа дөрес исәпләнгән түләүләр белән документны бирергә бурычлы.

Аңлатулар белән килешмәгәндә кулланучы ТР Дәүләт торак инспекциясенә яисә, дәгъваларыгызны күрсәтеп, гариза белән судка мөрәҗәгать итәргә кирәк. Гаризага идарәче оешманың Сез килешмә-гән аңлатмасын, счетның күчермәсен дә ияртергә кирәк.