Р.Сәгъдиев исемендәге мәктәптә "Бердәмлек. Единство" грант проектын гамәлгә ашыру кысаларында квест-уен узды.
2022 елда Татарстан Республикасы Яшьләр эшләре министрлыгы тарафыннан беренче тапкыр муниципаль берәмлекләрнең яшьләр сәясәте учреждениеләре өчен грантлар конкурсы уздырылды, анда Буа муниципаль районы "Җәмәгать тәртибен саклау буенча яшьләр (студентлар) формированиеләре үзәге" Форпост "Бердәмлек. Единство." проекты белән җиңүче булды.
Проект Буа муниципаль районы территориясендә яшәүче төрле милләт үсмерләре арасында Идел буе халыкларының бай мәдәнияте һәм традицияләре белән танышу аша халыкларның мәдәниятара аралашуын ныгытуга, шәһәрнең 5 мәгариф учреждениесендә уеннар үткәрү юлы белән халыкларның мәдәни традицияләрен өйрәнүгә ярдәм итүгә юнәлтелгән.
Проектны гамәлгә ашыру кысаларында чара академик Р. З. Сәгъдиев исемендәге урта мәктәптә узды. Анда проект тьюторлары Татарстан халыклары Яшьләр Ассамблеясе белән берлектә 5 станцияне үз эченә алган 5 команда белән уеннар әзерләделәр һәм квест үткәрделәр (Идел буе халыкларының милли уеннарын, "Милли костюмнар" станциясе, этноквиз). Җиңүчеләр һәм призерлар истәлекле бүләкләр белән бүләкләнделәр.
Бу районда яңа актуаль юнәлешләр өстәп, яшьләр сәясәтен гамәлгә ашыруны шактый көчәйтергә мөмкинлек бирә.