Иҗтимагый совет утырышында «гараж амнистиясе» һәм җир законнарындагы үзгәрешләр турында фикер алыштылар
Казан (Идел буе) федераль университетында Татарстан Республикасы буенча Росреестр Идарәсе каршындагы Иҗтимагый советның күчмә утырышы булды.
Фикер алышу өчен төп тема «гараж амнистиясе»н гамәлгә ашыру мәсьәләсе. Гамәлдәге законнар нигезендә «гараж амнистиясе» нең гамәлдә булу вакыты 2026 елның 1 сентябрендә тәмамлана. Әмма РФ Хөкүмәте хокукларны рәсмиләштерүнең гадиләштерелгән схемасын 2031 елның 1 сентябренә кадәр озайту турындагы закон проектын хуплады инде.
Мәсьәләләрнең аерым блогы җирләрдән рөхсәт ителгән файдалану төрләрен үзгәртү тәртибенә кагылышлы 295-ФЗ номерлы Федераль закон кысаларында 2026 елның 1 мартыннан үз көченә кергән үзгәрешләргә багышланган иде. Аерым алганда, дәүләт милкендәге яисә муниципаль милектәге (арендага яисә түләүсез файдалануга бирелгән) кишәрлекләрнең хокук ияләренә мондый кишәрлекне бирү тәртибенә бәйсез рәвештә үзгәртү тыелган. Искәрмә - әгәр җир кишәрлеге территорияне комплекслы үстерү максатларында файдаланылса.
Шулай ук авыл хуҗалыгы җирләрен җайга салу үзенчәлекләренә дә кагылдылар. Әгәр «авыл хуҗалыгы билгеләнешендәге җирләр» категориясендәге кишәрлек авыл хуҗалыгы җирләренә керсә, аны бары тик Россия Федерациясе субъекты хакимияте органы карары нигезендә генә үзгәртергә мөмкин. Татарстан Республикасы буенча мондый вәкаләтле орган-Татарстан Республикасы Авыл хуҗалыгы һәм азык-төлек министрлыгы.
Бәяләү эшчәнлегенең сыйфаты мәсьәләләренә аерым игътибар бирелде. «Татарстан Республикасы Бәяләүчеләр союзы» башкарма директоры Олег Булгаков бәяләү сыйфатын күтәрү максатларында бәяләүчеләр һәм хакимият органнарының үзара хезмәттәшлек практикасы турындагы нотык белән чыгыш ясады. Устав нигезендә, Союзның максаты-бәяләү бергәлегенең, бәяләү хезмәтләреннән файдаланучыларның, шул исәптән хакимият органнарының, профильле оешмаларның мәнфәгатьләре балансын тәэмин итү. Коммерциячел булмаган партнерлык вәкиле республикада бәяләүнең сыйфатын күтәрү максатында һөнәри бергәлек һәм дәүләт структуралары арасында хезмәттәшлек тәҗрибәсе белән уртаклашты, шул исәптән «бәяләү эшчәнлеге өлкәсендә башкарма хакимият һәм җирле үзидарә органнарына эксперт-консультация ярдәмен активлаштыру» юл картасын гамәлгә ашыру юлы белән.