Тавыкларга бәя “канатланды”

2014 елның 25 сентябре, пәнҗешәмбе
Тавыкларга бәя “канатланды”
Азык-төлек кибетләрендә бәяләр “кабара” – сыр, эремчек, ит, балык, җиләк-җимеш кыйммәтләнгәнне сатып алучы сизми калмагандыр. Ләкин иң югары “сикергәне” йомырка белән тавык бәясе булды. Белгечләр артымның сәбәбен чит илдән кертелүче азык-төлек товарына чикләү белән аңлаталар. Ләкин моның белән ахыргача килешеп булмый – кибет киштәләрендә күпчелек үзебездә җитештерелгән продукция бит!
Тавыкны гына алыйк. Шә-һәрдәге кибетләрне махсус урадым. Берсендә дә, халык әйтмешли, “буш ботлары”н күрмәдем. Үзебезнең “Пестречинка”, “Чаллы-бройлер”, Мари Иленең “Акашево”, Пенза өлкәсенең “Васильево” кошчылык фабрикасыннан китерел-гән тавыклар ассортимент-ның зур өлешен алып то-ра. Кыскасы, чит ил продукциясе кертүгә санкция-ләр салуның бернинди дә йогынтысы булмаска тиеш кебек. Бәяләрдә дип әйтү-ем. Шуңа карамастан, сатучылар тавыкка, кошчылык продукциясенә һәр кайтарган партия саен бәянең үсеп торуын әйтәләр. Бигрәк тә “Пестречинка” кибетләре челтәрендә һәм Пенза ягыннан китерелгән-нәрендә. Мәсәлән, җәй көне килограммы 86 сум торган “Васильево” кошчылык фабрикасы тавыгының килосы бүген 110 сум тора. Артым 27 процент тирәсе чыга. Татарстан Республикасы Авыл хуҗалыгы министрлыгы белдерүенчә, бы-ел барлык төр тавыкларга да бәя өчтән бер өлешкә арткан.
Шунысы кызык, хәзер күп шәхси хуҗалыкларда үз бройлерлары өлгергән вакыт. Сорау кимегәч, бәя төшәргә генә тиеш кебек, югыйсә. Кайбер Россия дә-рәҗәсендәге экспертлар тавыкларга бәя артуның ясалма характерда булуын да белдерәләр. Янәсе, бу бары тик сәүдәгәрләр эше – моменттан оста файдаланалар. Безнең илдә берничә ел элек карабодай, аңа кадәр тоз белән хәлне һәркем хәтерли булыр. 28-30 сумлык ярманың бәясе 80 сумга менеп киткән иде бит. Тозны, шырпыны чиратлар торып сатып алдык. Хәлне җайга салу өчен  дәүләт бәяне үзе көй-ләргә мәҗбүр булды.
Миңа калса, хәзерге сатып алучыларга да, бәянең тагын да үсүеннән куркып, өсте-өстенә тавык, йомырка сатып алырга кирәкми, мөгаен. Хәзерге көндә Татарстан Республикасының Промышленность һәм сәү-дә министрлыгы һәм Авыл хуҗалыгы министрлыгы арасында үзебездә җитештерелгән продукциягә бәяне 10 проценттан арттырмау турында килешү төзе-лә. Шул рәвешле үзебезнең товарны күбрәк киштә-ләргә чыгару, эре сәүдә нокталарын алар белән тулыландыру максаты карала. Бу вәзгыять, аңлашылганча, тавыкларга гына тү-гел, сөт, сөт продукциясе-нә, җиләк-җимеш, яшелчә-гә дә кагыла.
Ә сатып алучыга бу кулай гына. Беренчедән, үзебезнеке, шикләнмичә ашарга була, икенчедән, бәясе дә “йөгәнле” булырга тиеш.  
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Гражданнар мөрәҗәгате
Социаль эшкуарларга һәм социаль юнәлешле коммерциягә карамаган оешмаларга ярдәм
«Матбугат хезмәте»
Телефон: 8 (84374) 3-10-93, 3-11-93
Факс: 8 (84374) 3-10-93, 3-11-93
E-Mail: bua@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International