Өлкәннәргә – бүләкләр, укытучыларга – теләкләр
Татарстан Республикасы Дәүләт Советының законлылык, хокук саклау буенча Комитеты рәисе Шакир Яһүдин, яңа сайланган депутат Ринат Гайзатуллин шушы көннәрдә Буада булып киттеләр. Аларның визиты Өлкәннәр бәйрәме декадасы кысаларында булып, Укытучылар көненә дә туры килде.
Йомшак диванда
газета-журналлар укыгыз!
Картлар һәм инвалидлар өчен интернат-йортта кунаклар анда яшәүчеләрне бәйрәм белән котладылар һәм бүләкләрен тапшырдылар. Шакир Яһүдин бер кочак газета-журналларга подписка рәсмиләштергән. Ә Ринат Гайзатуллин аларга йомшак диваннар бүләк итте.
-Сезнең өчен махсус яздырылган газета-журналларны рәхәтләнеп утырып уку өчен бу диваннар, - диде Ринат Рәүфович, бүләгенә ишарәләп.
Соңыннан кунаклар яңа гына эшләтеп җибәрелгән лифт, ял итү бүлмәләре белән дә танышып чыктылар.
Укытучылар бәйрәмендә
Шакир Яһүдин һәм Ринат Гайзатуллин район мәдә-ният сараенда Укытучылар көне уңаеннан оештырылган тантаналы чарада да катнаштылар. Аны муниципаль район башлыгы Азат Айзетуллов ачты:
- Сезнең хезмәт дөньяда иң җаваплы һәм гуманлы. Кешелекне аңлы һәм белемле итү, укучының килә-чәктә кем булуы да сезнең тәрбиягә, биргән белемегезгә бәйле, - диде ул залда утырган педагогларга мөрәҗәгать итеп. Әлбәттә, республика Парламенты кунаклары да аларга бәй-рәм уңаеннан иң җылы теләкләрен җиткерделәр. Сәхнәгә бер-бер артлы муниципаль районның, Татарстанның Мәгариф һәм фән министрлыгының Мактау грамоталарына һәм Рәхмәт хатларына лаек бу-лучылар, юбилярлар күтә-релде. Бәйрәм концерты барысына да бүләк булды.