Буа муниципаль районы

Рационны төгәл үтәргә

2014 елның 5 декабре, җомга

Терлекчелектә җитештерүчәнлекне киметмәүне район җитәкчелеге дә үз контролендә тота. Бу тармакта хезмәт куючы белгечләр, терлекчеләр белән очрашулар үткәрелә. Хуҗалыкларда семинар-киңәшмәләр оешкан төстә уза һәм алар үзенең уңай нәтиҗәсен дә бирә.

“Ак Барс-Буа” агрофирмасының 2 номерлы “Дружба” филиалында район башкарма комитеты җитәкчесе Сәлим Даутов, муниципаль район башлыгының беренче урынбасары Илдар Еремеев җитәкчелегендә узган киңәшмәдә терлекчелектә 11 айлык нәтиҗәләргә йомгак ясалды, киләчәккә бурычлар билгеләнде. Агрофирмалар директорлары, зооветеринария белгечләре катнашында узган әлеге очрашу уку рәвешендә барды. Биредә һәр белгеч үзен борчыган сорауга төгәл җавап алды. Авыл хуҗалыгы һәм азык-төлек идарәсе начальнигы Радик Даутов үз чыгышын тәнкыйтьтән башлады.

- Кайбер хуҗалыкларда технология таләпләренең өзелүенә юл куела. Сөт җитештерү кими. Сер түгел, кайвакыт кайбер фермаларда савым сыерлары алдында су да булмый бит. Бураннарга кадәр кырдан кардаларга җитәрлек күләмдә салам ташып куярга кирәк. Маллар рационында каротинга бай азыклар күбрәк урын алып торсын,- диде ул. Лаборатория анализлары буен-ча “Дружба”дагы, “Бола”, “Авангард” агрофирмаларындагы һәм “Коммуна” җәмгыятендәге сыерларның организмында ул җитәрлек күләмдә. “Вамин-Буа”да аны бае-тасы бар. Моның өчен күп чыгымнар таләп ителми. Буа урман хуҗалыгыннан тиешле рөхсәт алганнан соң ылысны кирәк кадәр алып кайтырга була. “Буа агрохимсервисы” җәмгыятенең “Ямбулат” ярдәмче хуҗалыгында шул рәвешле маллар каротиннан ел әйләнәсе өзелми.
Терлекчелектә сыйфатлы азыкның мул булуы мөһим. Белгечләр әйтүенчә, “Вамин-Буа”да силос, сенаж җи-тәрлек күләмдә хәстәрләнмәгән. Шул ук вакытта биредә барлык фермаларда да бозаулату бүлегенең тиешенчә эшләве, баш зоотехник Фәрит Вәлиуллинның үз хезмәтен дөрес башкаруы билгеләп үтелде.

Киңәшмәнең икенче өлеше Мөкерле сыер фермасында дәвам итте. Монда терлекчеләр агрофирманың элеккеге директоры, бүген муниципаль район башлыгы Азат Айзетулловка бик рәхмәтле. Аның тырышлыгы һәр бүлекчәдә уңай эш шартлары булдырылган, заманча җиһазлар урнаштырылган, ял итү бүлмәләренә хәтле ясалган. Терлекләрне ясалма орлыкландыру технологы Елена Павлова хезмәте дә мактауга лаек. Фермада малларга азык рацион буенча бирелә.

Оценить материал и/или оставить мнение

БАРЛЫК ЯҢАЛЫКЛАРНЫ УКУ