Эш бирүчегә мөмкинлекләр һәр инвалид-хезмәткәр өчен – 72690 сум

Инвалидны эшкә алган эш бирүчеләргә аңа хезмәт урынында уңайлыклар булдыру һәм җиһазлар сатып алу өчен чыгымнарны каплауга республика бюджетыннан акча средстволары бүленеп бирелүе турында хәбәр иткән идек инде. Шушы көннәрдә шөгыль үзәгендә узган “түгәрәк өстәл” артындагы сөйләшү кабат әлеге темага һәм бу өлкәдәге яңалыкларга багышланды.
Үзәк директоры Рәсим Абитов әйтүенчә, киләсе ел башыннан, ким дигәндә, 35 кеше эшләгән һәр оешма-предприятие билгелән-гән квота буенча эшкә сә-ләтле инвалидны эшкә алырга бурычлы. Билгеле, ул башкара алырлык хез-мәткә. Татарстан Республикасының Хезмәт, халыкны эш белән тәэмин итү һәм социаль яклау министрлыгының быелның 25 сентябрендәге 518 номерлы боерыгы шуны таләп итә. Моңа кадәр бу 100 кешедән ким булмаган коллективка кагыла иде. Районда бүген дә күп оешмаларда инвалидлар хезмәт куя. Яңа таләпләр нигезендә андыйлар саны тагын да артачак. Бу көнне сөйләшүгә хезмәт куючы инвалидлар саны тиешле-дән аз булган “Ак Барс-Буа” җәмгыятенең 1 һәм 3 номерлы филиалларының, “Буа элеваторы”, “ПМК-5” җәмгыятьләренең, Буа дәүләт драма театрының, үзәк китапханәнең, лицей-интернатның кадрлар белгечләре чакырылган иде. Рәсим Абитов берочтан аларга бу очракта күрсәтелүче акчалата яр-дәм турында да әйтте. Киләсе елдан инвалидны эшкә алган эш бирүчеләр-гә аңа хезмәт урынында шартлар тудыру өчен бирелүче сумма 72 мең 690 сум тәшкил итәчәк. Җитәк-че әлеге акчаны инвалид өчен компьютерлар, җи-һазлар сатып алуга да тота ала. Эш урыны даими булырга тиеш. Өч елдан соң җиһазлар эш бирүченеке булып саналачак. Мондый мөмкинлектән нигә файдаланмаска?
- Быел безнең районда 5 оешма инвалидларны эш-кә алу бәрабәренә әлеге программада катнашты. Машина төзү заводы, “ПМК-6” ачык акционерлык җәмгыяте, “Ранчо” чиклән-гән җаваплылыклы җәмгыяте, “Сибгатуллина”, “Әх-мәтова” шәхси предприятиеләре – шундыйлардан. Республикада быел инвалид коляскасы ярдәмендә хәрәкәтләнүче 16 кешене эшле итү бурычы куелды. Монда безнең районда шәхси эшмәкәр Наилә Сибгатуллина үрнәк күр-сәтте. Әлеге акчага җиһазлар сатып алу белән бергә иң мөһиме – мөмкинлеге чикләнгән белгечне шө-гыльле итте ул. Без аңа һәм инвалидларга хезмәт урыннары булдырган һәр-кемгә рәхмәтле,- диде Рәсим Мәүлетович әлеге оешма-предприятиеләр җитәкчеләренә һәм белгечләренә мөрәҗәгать итеп. Алар үз чыгышларында бу өлкәдәге тәҗрибәләре белән уртаклаштылар.
Наилә СИБГАТУЛЛИНА, шәхси эшмәкәр:
- Узган ел шөгыль үзәгендә эшсезлек буенча чиратта торучы бухгалтер белемле хатын-кызны эшкә алдым. Бирелгән акчага аңа эшләү өчен шартлар тудырдык: компьютер-техник җайланмалар, өстәлләр, урындыклар, шкафлар сатып алдык. Ул үз өендә торып эшли. Үз вазифасын төгәл башкара. Күптән түгел, коляскалы инвалидлар өчен махсус программа барлыгын белгәч, тагын бер хезмәткәр алырга булдык. Ул бүген эш башкаручы булып эшли. Шөгыль үзәге аша бирелгән акчаны шулай ук компьютерлар, башка җиһазлар алуга, бер өлешен ремонтка тоттык. Хезмәткәргә бина эчендә коляска белән хәрәкәтләнү өчен ишекләрне киңәйттек, пандус урнаштырдык. Мин әлеге программаларны хуплыйм. Кирәкле белгечле булу өстенә, җиһазлар алу мөмкинлеге дә бар. Минем өчен иң мөһиме – башкаларны шатландыру.
Олеся ШУРБИНА, хезмәткәр:
- Социаль белем бирү академиясенең (Казан социаль-юридик институты) Буадагы филиалын тәмамлаганнан соң, шөгыль үзәгенә чиратка бастым. Бер айдан соң ук “Ранчо“ җәмгыятенә чакырдылар. Үз белгечлегем белән персонал буенча менеджер булып эшлим. Кирәкле барлык җиһазлар белән тәэмин иттеләр. Үзен реализацияләргә сәләтле һәм моңа теләге булган һәркем, инвалидмы ул, түгелме, хезмәт белән тәэмин ителергә тиеш дип саныйм.