ЯҢАЛЫКЛАР

Әлши урта мәктәбе базасында укытучыларның, укытучыларның педагогик осталыгын камилләштерү, аларның методик һәм махсус белем дәрәҗәсен күтәрү максатыннан "Гадәттән тыш хәлләрдә укучыларның куркынычсыз тәртибен формалаштыру буенча эшчәнлекнең дәрестән тыш формалары" темасына укыту-методик семинар үткәрелә. Катнашучылар игътибарына "Куркынычсызлык мәктәбе" дигән уен-квест тәкъдим ителде. Зона эзләү-коткару отряды коткаручылары беренче табибка кадәрге ярдәм күрсәтү буенча практик дәрес үткәрделәр һәм язгы ташу чорында балаларның үз-үзеңне тоту кагыйдәләрен аңлаттылар.

Кичә, 14 март көнне Буа муниципаль районының «Гармония» халыкка социаль хезмәт күрсәтү үзәге белгечләре тарафыннан балигъ булмаганнар арасында күзәтүчесезлекне һәм хокук бозуларны кисәтүгә,  исәптә торучы гаиләләрдә ата - ана йөкләмәләрен үтәүне контрольдә тотуга юнәлдерелгән чираттагы ведомствоара кичке рейд оештырылды.

Татарстан  Республикасы Авыл хуҗалыгы  һәм азык-төлек  министрлыгы яңа  эш  башлаучы авыл  хуҗалыгы  кулланучылар кооперативларының  матди-техник  базасын  үстерүгә грантлар  бирү өчен  конкурс    игълан  итә.

 Гаризалар  һәм документлар  2019 елның  15 мартыннан  15 апреленә кадәр Татарстан  Республикасы Авыл хуҗалыгы  һәм азык-төлек  министрлыгы белгечләре  тарафыннан  түбәндәге  адрес буенча  кабул  ителә:    Татарстан  Республикасы,  Казан шәһәре,  Федосеев ур.,  36 йорт, 3 кат,  309 каб. 

Кабул  итү  эш көннәрендә  9.00 сәгатьтән 16.00 сәгатькә кадәр башкарыла.    Грант бирү тәртибе  һәм  документлар  формалары турындагы  мәгълүмат  белән  сылтама буенча  танышырга  мөмкин. 

2019 елдан авыл халкы өчен өстәмә пенсия ярдәмен күздә тоткан төзәтмәләр үз көченә керде. Ул картлык яки инвалидлык буенча иминият пенсиясенә билгеләнә торган фиксацияләнгән түләүнең 25 процентына арттырылган.
Өстәмә түләү хокукы өч шартны үтәгәндә бирелә. Беренчедән, пенсионерның яки пенсия сорап мөрәҗәгать итүчеләр авыл хуҗалыгында 30 елдан да ким булмаска тиеш. Икенчедән, пенсионер авылда яшәргә тиеш. Ниһаять, ул эшләүче булырга тиеш түгел, ягъни аның өчен мәҗбүри пенсия иминиятенә взнослар күчерелмәскә тиеш.

Россия Федерациясе Пенсия фондының Татарстан Республикасы буенча бүлеге шуны искәртә: «Һөнәри керемгә салым» махсус салым режимын кулланучы гражданнарның пенсия хокукларын формалаштыру (иминият стажын һәм пенсия балларын сатып алу) мәҗбүри пенсия иминиятенә түләнгән иминият взносларыннан чыгып кына тормышка ашырыла.
Үзмәшгуль гражданнар мәҗбүри пенсия иминияте буенча хокук мөнәсәбәтләренә ирекле рәвештә керергә хокуклы.

Бүген, 15 март көнне "Юность" балалар һәм яшүсмерләр спорт мәктәбендә Буа районының волейбол буенча "Свияжск Лигасы"ачык беренчелеге финалы узачак. 3-4 урын өчен Буа районы мөхтәсибәте һәм шикәр заводы командасы көрәшәчәк. 1 - 2 урыннар өчен БуЭс командалары һәм "Юность" балалар һәм яшүсмерләр спорт мәктәбе командасы көч сынашачак. Әлеге спорт төрен яратучыларны җан атарга һәм командаларны куәтләү өчен чакырабыз. Башлана 17: 30 сәгатьтә.

Кичә, 2019 елның 14 мартында, М. Вахитов исемендәге гимназиядә "Тере классика" VIII Бөтенроссия яшь нәфис сүз осталары конкурсының муниципаль этабы узды. Конкурсның максаты-укучыларның сәнгать әдәбиятын укуга кызыксынуларын арттыру, текстны тирән фикерләү нигезендә сәнгатьле уку күнекмәләрен формалаштыру, рус һәм хәзерге заман әдәбияты әсәрләре белән танышу аша балаларның күзаллауларын киңәйтү. Бәйгедә район мәктәпләренең 37 укучысы, мәктәп турлары җиңүчеләре катнашты. Жюри укучыларның чыгышлары югары дәрәҗәдә булуын билгеләп үтте. Укучылар тыңлаучыларны эмоциональ яктан җәлеп итә алдылар, уйларга, көләргә, борчылырга мәҗбүр иттеләр.
Муниципаль этапның өч җиңүчесе Яшел Үзән шәһәрендә узачак республика турында  катнашачак.

Бүген Казанда «Ел тәрбиячесе-2019», «Ел укытучысы-2019» конкурсларында җиңүчеләрнең исемнәре билгеле булачак. Буа данын зона турында җиңгән «АБВГДЕЙКа» балалар бакчасы музыка җитәкчесе Екатерина Елчиева, лицей-интернатның башлангыч сыйныфлар укытучысы Луиза Бакунина һәм Р. З. Сәгъдиев исемендәге мәктәпнең информатика укытучысы Владимир Ласкин яклый. Аларга уңышлар телибез!

1 апрельдән табигатьне саклау темасына эшләнгән социаль видеороликлар буенча яшьләр бәйгесе башлана. Оештыручылары – Татарстан Республикасы Экология һәм табигать ресурслары министрлыгы ярәмендә, “Россия студентлар отряды” Гомумроссия яшьләр иҗтимагый оешмасының Татарстандагы төбәк бүлеге һәм “Чиста булачак” Төбәк яшьләр иҗтимагый оешмасы.

Яз җитү белән хуҗалыкларда, бигрәк тә машина-трактор паркларында аеруча җанлылык сизелә. Бу кыр эшләренә әзерлекнең соңгы этабы башлану белән бәйле, чөнки барлык техника да "энә күзе аша" тагын бер тапкыр уза. 
Авыл хуҗалыгы һәм азык-төлек идарәсенең механикалаштыру буенча консультанты Рәис Юнысов сүзләренә караганда, ремонт эшләре барлык хуҗалыкларда да ахырына якынлаша. Тагылма инвентарь тулысынча әзерлек сызыгына куелган, тракторлар – 90 процентка. Аерым алганда, «Авангард», «Ямбулат», «Коммуна», «Кыят», «АгроНур» хуҗалыкларында тракторларны ремонтлауны төгәлләделәр. «Ак Барс» холдинг компаниясе агрофирмаларында быел әзерлек узган ел белән чагыштырганда югарырак.