Агымдагы елның 28 июленнән башлап инвалидларга һәм инвалид балаларга айлык акчалата туләүләр проактив режимда билгеләнә башлый. Бу хакта Россия Пенсия фондының Татарастан бүлекчәсе хәбәр итә. Димәк, әлеге категориягә караган гражданнарга түләү билгеләүне сорап мөрәҗәгать итәргә кирәкми, Россия Пенсия фонды территориаль органнары бу эшне үзләре башкара. Пенсия фонды түләүләрне инвалидларның Федераль регистры мәгълүматлары буенча билгели. Айлык акчалата түләү кешенең инвалид яисә инвалид бала категориясенә кергән көненнән, шул көннән соң 10 көн дәвамында, реестрга  инвалидлык турында мәгълумәт кергәннән соң билгеләнә. Айлык акчалата түләү билгеләнү турындагы хәбәр гражданнарның Дәүләт хемәтләре порталындагы шәхси кабинетта, электрон почта  адресына яисә смс-хәбәр аша җибәрелә. Айлык акчалата түләүне гариза  нигезендә рәсмилләштерүдән баш тарту сәламәтлекләре чикле булган гражданнарга пенсия яисә башка түләүләр билгеләү процессын гадиләштеру  юнәлешендә ясалган тагын бер адым. Инвалидларның махсус төзелгән Федераль реестры медик-социаль экспертиза учрежденияләре бюджеттан тыш фондлар, Федераль министрлыклар һәм ведомстволар, шулай ук властьның региональ һәм муниципаль органнарыннан килгән мәгълүматны туплау бердәм мәгълүмат  операторы ул.

Ильин көне җитте. Халык сынамышлары буенча бу көннән су коенырга ярамый.  Әлбәттә, кешеләр сулыклар янында ял итә. Республика буенча кабул ителгән профилактик чараларга карамастан, су объектларында оператив хәлләр бик киеренке кала. Бу елның коену сезоны башланганнан бирле республика сулыкларында 52 һәлакәт булган, аларда 49 кеше, шул исәптән 7 бала һәлак булган. 1 кеше коткарылган, шул исәптән 2 бала. Күп кенә кешеләр коену өчен яраклы сулыклар янында ял итә. Гадәттәгечә, бу урыннарны ял итүчеләр барлыкка китерә, бу урыннарда сулыкның төбе тикшерелмәгән һәм бу сулыкның тирәнлеген һәм үзенчәлекләрен беркем дә белми. Әлбәттә, мондый урыннар ял итүчеләр тормышына һәм сәламәтлегенә куркыныч тудыра. Су коену сезоны алдыннан Кама Тамагы инспекторлык участогы муниципаль берәмлекләр башкарма комитетлары җитәкчеләренә массакүләм ял итү урыннарын билгеләү һәм су коену өчен яраксыз сулыклар янында тыелган билгеләр билгеләү турында хатлар җибәрде. « Татарстан Республикасы территориясендә урнашкан су объектларында кешеләр тормышын саклау кагыйдәләрен раслау турында» 2009 елның 23 апрелендәге 256 номерлы Татарстан Республикасы Хөкүмәте карарын гамәлгә ашыру кысаларында әлеге кагыйдәләрне бозган, аерым алганда, җиһазландырылмаган урыннарда коенган өчен, ТР КоАП 3.10 статьясы буенча административ җаваплылык та каралган

Ел саен гражданнар үз милкендә булган мөлкәт, транспорт, милек һәм җир салымнарын түли. Хәбәрнамә, үз чиратында, салым түләү срогы җиткәнчегә кадәр 30 көннән дә соңга калмыйча, салым органы тарафыннан җибәрелергә тиеш. Кирәк булганда, мәсәлән, теркәлү урыны буенча төрле сәбәпләр (командировкага, яңа яшәү урынына күчүгә, ялга) буенча озак вакытлар булмаган очракта, бердәм салым түләү рәвешендәге салымнарны вакытыннан алда (аванс белән) түләү мөмкинлеге гамәлгә ашырылган. Бердәм салым түләве электрон янчыкның аналогы булып тора, анда гражданин физик затлар мөлкәтенә, җир, транспорт салымнарына һәм физик затлар кеременә салым түләү өчен акча күчерә ала. Акча Федераль казначылыкның тиешле счетына күчерелә һәм милек салымнарын түләү вакыты җиткәч, салым органы мондый түләү зачетын мөстәкыйль үткәрәчәк. Беренче чиратта, түләү физик затның андый акчасы булса, салым буенча булган недоимкаларны яки бурычларны түләүгә юнәлдереләчәк.

1 августта "Юл хәрәкәте иминлеге" ДБУнең Буа бүлекчәсе, Россия Эчке эшләр министрлыгының Буа районы һәм Буа районы ЮХИДИ бүлеге хатын-кызлар арасында "Автоледи - 2020" машина йөртү осталыгы  буенча республика конкурсының район этабы уздырылды. Бәйгедә 6 катнашучы сыналды. Район бәйгесе ике этапта үтте: "Юл хәрәкәте кагыйдәләрен белү" - компьютерда һәм "Автомобильне фигуралы йөртү" -автодромда. Бәйге йомгаклары буенча 1 урында - Салахиева Фәния, 2 урын - Йосыпова Илсөяр, 3 урын - Гайнетдинова Айсылу. Җиңүчеләр грамоталар, медальләр, кубоклар һәм кыйммәтле призлар белән бүләкләнделәр, барлык катнашучыларга чәчәкләр һәм истәлекле призлар тапшырылды.