Бүген Татарстан Республикасы Президенты Рөстәм Миңнеханов эш сәфәре белән Буа муниципаль районында булды.
Бүген Татарстан Республикасы Президенты Рөстәм Миңнеханов Буа муниципаль районына эш сәфәре кылды, анда ул кыр эшләренең барышы белән танышты һәм район активы белән очрашты. ТР Президентын ТР вице-премьеры - авыл хуҗалыгы һәм азык - төлек министры Марат Әхмәтов, ТР Президенты Аппараты җитәкчесе урынбасары-ТР Президентының Территорияләр белән эшләү идарәсе башлыгы Илнур Гарипов, Дәүләт Советы депутатлары Шакир Яһудин һәм Ринат Гайзатуллин, район башлыгы Марат Җәббаров, "Ак Барс "Холдинг компаниясе" ААҖ генераль директоры Иван Егоров озатып йөрде.
Аграрийлар белән очрашканчы Рөстәм Миңнеханов район территориясе өстеннән очып узды һәм урып-җыю темплары белән танышты. Аннары "Авангард" агрофирмасы кырында районның агросәнәгать комплексы җитәкчеләре, хезмәткәрләре, авыл җирлекләре башлыклары белән аралашты. Шунда ук авыл хуҗалыгы продукциясе күргәзмәсе дә оештырылган иде.
Әңгәмә барышында район башлыгы Марат Җәббаров, һава шартларына карамастан, район хезмәтчәннәренең урып-җыю темпларын киметмәүләре турында хәбәр итте. Бүгенге көнгә районда 52 мең гектар урып-җыю мәйданнарының 17% ы җыелган, уртача уңышлылык гектардан 34,1 центнер тәшкил итә.
Татарстан Республикасы Президенты Рөстәм Миңнеханов авыл хуҗалыгы хезмәткәрләрен тулысынча тырышып эшләргә һәм урып-җыю эшләрен оптималь срокларда сыйфатлы итеп тәмамларга, сайлауларны оешкан төстә үткәрергә өндәде.