Буада 47 нче иҗат сезонын ачу тантанасы узды
17 октябрь көнне Район мәдәният йортында 47 нче иҗат сезонын ачу тантанасы булып узды.Иҗат сезонын ачу-ул, барыннан да элек, күңелле, матур бәйрәм. Бәйрәмне Рөстәм Әхмәдуллин һәм Гөлия Әхмәтҗанова алып бардылар. Программаны "Татарстан Республикасы Буа муниципаль районының мәдәният идарәсе" МКУ башлыгы Ринат Гыймранов ачты. Ул район җитәкчелегенә рәхмәт белдерде, ТР Президенты Рөстәм Миңнеханов, ТР Мәдәният министрлыгы ярдәме белән районда мәдәният йортлары, клублар яңартылуын дәвам итә, дип билгеләп үтте. Иҗади атмосфераның 120 минуты бер сулышта узды. Алар коллектив җитәкчеләре һәм үзешчән сәнгатьтә катнашучылар көче белән әзерләнгән иде. Коллективларның иҗаты шулкадәр төрле ки, бер сюжетта берләшеп, алар чын сәнгать бизәкләренең искиткеч шатлыгын күрсәттеләр.