Баһадир туды
Дүрт кило ярымлы уллары туды шәһәрдән Алинә һәм Айдар Нәҗмиевларның. Ул парның беренче сөенече. Бәхетле әни белән элемтәгә чыктык.
– Бала тудыру йортында “Баһадир бу”, дип, кулыма тоттырдылар. Ирем, туганнарым белән сөендек тә, гаҗәпләндек тә. Бәби үзе хәрәкәтчән, карында да тик ятмады, - ди Алинә.
“Егеткә” исемне алдан ук уйлап куйганнар, Раяз дип кушканнар.
Аның дөньяга килү моментларын бала тудыру йорты мөдире Миләүшә Җәләлетдинова минутына кадәр хәтерли.
– Гәүдәсе зур булганлыктан, бала үзе туарга ашыкмады, тиз карада карар кабул итеп, ярып алырга туры килде. Кулга алгач та зур иде, - дип сөйләде мөдир.
Яшь әнигә биредәге медперсонал улын дөрес төрергә дә өйрәткәннәр. “Егет” хәзер өйдә, озак итеп йоклый, баһадир-ларча ашый, диләр.
Быел район бала тудыру йортында авырлыгы дүрт килодан узган 12 сабый дөньяга килгән. Шуларның 9ы малай, 3се кыз.