Буада яшьләр парламенты әгъзаларының оештыру җыелышы узды

2019 елның 1 ноябре, җомга

Кичә, 31 октябрьдә, Буа муниципаль районы Башкарма комитетының утырышлар залында Буа муниципаль районының Яшьләр парламенты җитәкчесе, Татарстан Республикасы Аграр яшьләр берләшмәсе Буа бүлекчәсе лидеры Самат Фәсхетдинов рәислегендә Буа муниципаль районы яшьләр парламенты әгъзаларының оештыру җыелышы узды. Җыелышта районның белем бирү учреждениеләре Президентлары, шулай ук Яшьләр оешмалары вәкилләре катнашты. Чарада катнашучылар яшьләргә һәм яшьләр инициативаларына ярдәм итүгә юнәлдерелгән проектларны әзерләү, 2020 елга эш планнары, Буа районы Яшьләр парламентының эшче төркемнәрен формалаштыру һәм "Һөнәрләр парады"н үткәрү турында сөйләштеләр.