"Әкият" балалар бакчасында "Сак булыгыз юка боз!" чарасы узды

2020 елның 12 марты, пәнҗешәмбе

Кече һәм урта төркем балаларына тәрбиячеләр язгы бозның куркыныч булуы аркасында бәлагә эләгергә мөмкин булуы турында сөйләделәр. Балаларда язгы чорда сулыкларда куркынычсызлык кагыйдәләрен үтәү кирәклеге турында белемнәрне формалаштырдылар. Нәниләр белән презентация буенча әңгәмә үткәрделәр , бозда куркынычсызлык кагыйдәләре турында мультфильм карадылар, ә кече төркем балалары табышмаклар аша бозның серләрен ачтылар һәм «Тыңламас куян бозда» әкиятен күрсәттеләр. Язгы боз бик куркыныч! Бу сүзләрне балалар колакларына киртләп куйдылар.