Татарстан Росреестры: Сокуры бистәсендә законсыз чүплек ачыкланды

2020 елның 29 мае, җомга

Бүген Татарстан Росреестры белгечләре Россельхознадзорның Татарстан Республикасы буенча идарәсе белән берлектә Сокуры бистәсенә уртак сәфәр кылдылар һәм калдыкларының санкцияләнмәгән чүплеген ачыкладылар. Ведомстволар белгечләре әлеге җир кишәрлеген калдыкларны рөхсәтсез урнаштыру мәйданын һәм күләмен төгәлләштерү, шулай ук җир кишәрлеге милекчесен һәм җир законнарын мөмкин булган бозучыны билгеләү максатында тикшерделәр. Алынган исәпләүләр буенча, пычранган участокның мәйданы дүрт мең квадрат метрдан артык тәшкил иткән. Әлеге хокук бозу буенча хокук бозучыларны җавапка тарту һәм ачыкланган хокук бозуларны бетерү өчен административ материаллар әзерләнде.