Буа районында авыл халкы спорт уен мәйданчыгын үзләре коралар

2020 елның 17 июне, чәршәмбе

Җирле иганәчеләр ярдәменнән башка да булмады. Күл Черкене авылында тиздән спорт уен мәйданчыгы барлыкка киләчәк. Әлегә аны уртак көч белән эшлиләр. Ир-атлар койма куялар, хатын-кызлар инвентарьны буилар. Клуб мөдире Гөлфия Газизова сүзләренә караганда, халык мондый мәйданчыкны күптән көткән. Җәен балалар күп була,ә уйнарга урын юк. Өлкәннәр уен мәйданчыгында таулар, таганнар куйдылар, комлы уен зонасы, турниклар ясадылар, волейбол мәйданчыгы кордылар. Авыл халкы фаразлары буенча, бер айдан соң мәйданчык балаларны кабул итәргә әзер булачак.