Пенсия фонды июль ахырына кадәр пенсияләрне һәм социаль түләүләрне рәсмиләштерүнең гадиләштерелгән тәртибен озайтты
Россия Пенсия фондының Татарстан Республикасы Буа шәһәрендәге идарәсе (районара) хәбәр итә, Россия Пенсия фонды апрель аеннан июнь аена кадәр, катлаулы эпидемиологик хәл аркасында кертелгән вакытлы чараларны озайтты. Июль ахырына кадәр РПФ пенсия һәм пособиеләрнең аерым төрләрен дистанцион рәвештә билгеләүне, гражданнарга кирәкле мәгълүматларны соратып алуда ярдәм күрсәтүне, элек билгеләнгән түләүләрне актив рәвештә озайтуны һәм яңадан исәпләүне дәвам итәчәк.
Шәхси кабинет аша пенсияне дистанцион билгеләү
Пенсияләрнең күбесе бүген Пенсия фонды порталында (es.pfrf.ru), Дәүләт хезмәтләре порталында Шәхси кабинет аша бирелә торган электрон гаризалар буенча рәсмиләштерелә. Мондый мөрәҗәгатьләрнең өлеше хәзерге вакытта 70% тан артыкка җитә. Аларның күбесе буенча Пенсия кеше ризалыгы белән тулысынча эш бирүчеләр тарафыннан Пенсия фондының мәгълүмат системасына тапшырылган мәгълүматлар нигезендә билгеләнә.
Пенсионерларның шәхси счетларын стаж һәм хезмәт хакы турындагы белешмәләр, пенсия билгеләгәндә исәпкә алына торган иминият булмаган чорлар турындагы мәгълүматлар белән тулыландыру Пенсия фонды территориаль органнарының үз вакытында эшләве хисабына тәэмин ителә. Шуның аркасында пенсияләрнең күбесе апрель аеннан июль аена кадәр читтән билгеләнә һәм РПФның клиентлар хезмәтенә шәхси визитын таләп итми.
Телефон буенча пенсияне дистанцион билгеләү
Әгәр кешенең пенсия билгеләү турында электрон гариза бирү мөмкинлеге булмаса, РПФның территориаль органнары аның белән телефон аша элемтәгә керә һәм пенсия рәсмиләштерүгә ризалык ала, бу исә махсус актта чагылыш таба. Әлеге документ нигезендә пенсияне билгеләү турында гариза формалаштырыла һәм аны рәсмиләштерү буенча алга таба процесслар башлана.
80 яшькә җиткән пенсионерларга түләүләрне актив арттыру
Билгеле булганча, 80 яшь тулган пенсионерлар картлык буенча иминият пенсиясенә артык беркетелгән түләү алу хокукына ия. Быел аның күләме 11 372,5 сум тәшкил итә. Апрель ахырына кадәр фондның территориаль органнары 80 яшь тулучыга туендыручысын югалту буенча пенсия алучыларны актив билгели, гаризасыз, иминият пенсиясенең тагын да отышлырак вариантын белән. Мондый карар пенсионерның дистанцион рәвештә алынган ризалыгы нигезендә чыгарыла.
Инвалидларга пенсия билгеләү һәм озайту
Инвалидлык булган кешеләргә пенсиянең барлык төрләре һәм кайбер социаль түләүләр федераль инвалидлар реестры мәгълүматлары буенча Пенсия фонды тарафыннан билгеләнә. РПФна мөрәҗәгать иткән очракта инвалидка гаризаны гына бирергә кирәк, калган мәгълүматларны фонд реестрдан ала. Шул ук вакытта инвалид электрон гариза җибәрә ала һәм шул рәвешле, шәхсән мөрәҗәгать итеп, түләүне дистанцион рәвештә рәсмиләштерә ала.
Моннан тыш, 2020 елның 1 мартыннан 1 октябренә кадәр инвалидлыкны билгеләүнең вакытлыча тәртибе гамәлдә, аның нигезендә бөтен процедура бары тик медицина учреждениеләре документлары нигезендә, инвалидка медик-социаль экспертиза бюросына кермичә генә башкарыла.
Инвалидлыкны озайту шулай ук читтән торып гамәлгә ашырыла. Тикшерү нәтиҗәләре буенча инвалидлык билгеләнгән датага җиткәндә, аның вакыты, пенсиягә хокук һәм башка түләүләр кебек үк, автомат рәвештә ярты елга озайтыла.
Ышанычнамә буенча пенсия түләүләрен озайту
Закон буенча, үз пенсиясен башка кешегә ышаныч кәгазе буенча рәсмиләштергән пенсионер, пенсия алуын раслау өчен, елга бер тапкыр пенсия фондының клиентлык хезмәтенә яки китереп тору оешмасына килергә тиеш. Июль ахырына кадәр әлеге тәртип туктатылды һәм пенсия алу факты килешү буенча күз алдында тотыла, шуның аркасында ышаныч кәгазе буенча түләү хәтта түләү чоры тәмамлангач та дәвам итә.
Пропискасыз пенсионерларга түләүләрне озайту
Россиядә даими яшәү урыны булмаган пенсионерлар социаль пенсия ала. Закон нигезендә, ул пенсионерның факттагы яшәү урынын раслаучы шәхси гаризасы шартларында билгеләнә. Пенсия билгеләнгәннән соң, түләү хокукын югалтмас өчен, мондый гаризаны елга бер тапкыр тапшырырга кирәк. Июль ахырына кадәр яшәү урынын раслау тәртибе туктатылган, шуңа күрә пенсионерларга пенсия алуны дәвам итү өчен Пенсия фондына гариза бирергә кирәкми.
Ана капиталыннан айлык түләүне озайту
Ана капиталыннан ай саен түләнә торган акча алучы гаиләләргә якын айларда, керемнәрен раслау һәм, димәк, бу ярдәм чарасына хокукны раслау өчен, Пенсия фондына мөрәҗәгать итәргә кирәкми. Әгәр түләү вакыты 1 октябрьгә кадәр чыга икән, акча бирү автомат рәвештә озайтыла.
ТР буенча РПФ бүлегенең Контакт-үзәге (843) 279-27-27
ТР Буа шәһәрендә Пенсия фонды (районара) 8(84374)3-47-22
Интернет-ресурслар www.pfrf.ru кат sprrt.ru
www.vk.com/pfr_rt,
www.facebook.com/pfrrt,
www.twitter.com/PFR_TATARSTAN
www.ok.ru/group/58408636907571
ТР буенча РПФ матбугат хезмәте (843)279-25-13, pressa.pfr@gmail.com