"Гаилә, мәхәббәт һәм тугрылык" көнендә Татарстанда 300 мең ана капиталы сертификаты тапшырылды
Татарстан Республикасы буенча Россия Пенсия фонды бүлеге хәбәр иткәнчә, республикада ана капиталына 300 мең сертификат бирелгән.
Байлар Сабасыннан Исмәгыйлевлар гаиләсе юбилей сертификатына ия булды. Күптән көтелгән беренче бала, кызлары Самина, Эльвина һәм Ринат Исмәгыйлевләр гаиләсендә 8 июньдә-Социаль хезмәткәр көнендә туды. Эльвина шәфкать туташы һөнәре буенча, хәзер бөтен вакытын балага багышлый, Ринат балалар иҗаты үзәгендә эшли.
"Кызыбызның туу бәхете әле матди ярдәм белән дә тулыланды. Безнең тормышыбыз турында ил дәрәҗәсендә дә, республикабыз дәрәҗәсендә дә кайгыртулары икеләтә куанычлы. Сертификаттан тыш, без үз вакытында Рөстәм Нургалиевич уйлап тапкан республикадан да акча алачакбыз", - дип шатлыгы белән уртаклашты яшь ата-аналар.
Шунысын да билгеләп үтәргә кирәк, яшь гаилә сертификатын ГХАТ һәм башка ведомстволар мәгълүматлары буенча актив режимда алган. Бу мөмкинлек гражданнарда 2020 елның апреленнән барлыкка килде. Пенсия фондына мөрәҗәгать итмичә генә инде 6370 сертификат бирелгән, шул исәптән Татарстан Республикасының Буа шәһәрендәге Пенсия фонды идарәсенә (районара) мөрәҗәгать итмичә генә дә 125 сертификат бирелгән.
"2020 ел әһәмиятле вакыйгаларга бай, без ТАССР төзелүнең 100 еллыгын, быел РПФ оешуга 30 ел тулуны бәйрәм иттек, бүген без юбилей сертификатын тапшырдык, бер атна элек Конституциягә төзәтмәләр буенча тавыш бирүдә үзебезне лаеклы күрсәттек һәм, әлбәттә инде, Татарстан Республикасы Президентын сайлаулар турында онытмаска кирәк. Мин ышанам ки, безнең һәркайсыбыз, үсеп килүче буын өчен иң яхшы киләчәкне сайлап, һичшиксез, дөрес сайлаячак», - дип билгеләп үтте Татарстан Пенсия фонды идарәчесе.
Исегезгә төшерәбез, ана капиталына беренче сертификат 2007 елда бирелгән иде. Ул вакытта балалы гаиләләргә дәүләт ярдәме күләме 250 мең сум тәшкил иткән. Бүген бу сумма 2,5 тапкыр арткан һәм 616 617 сумга җиткән. 2020 елдан башлап, беренче баланы туганда яки уллыкка алганда 466 617 сум күләмендә сертификат бирелә.
Бүгенге көндә, программаны тормышка ашыра башлагандагы кебек үк, торак шартларын яхшырту ана капиталы акчаларының өстенлекле юнәлеше булып кала бирә, бу 90% тан артык тәшкил итә.
ТР буенча РПФ бүлегенең Контакт-үзәге (843) 279-27-27
ТР Буа шәһәрендә Пенсия фонды (районара) 8(84374)3-47-22
Интернет-ресурслар www.pfrf.ru кат sprrt.ru
www.vk.com/pfr_rt,
www.facebook.com/pfrrt,
www.twitter.com/PFR_TATARSTAN
www.ok.ru/group/58408636907571
ТР буенча РПФ матбугат хезмәте (843)279-25-13, pressa.pfr@gmail.com