Буа районы «Җиңү диктанты» Бөтенроссия акциясенә кушылды.
Бүген, 3 сентябрь көнне, Икенче бөтендөнья сугышы тәмамланган көнне, Хәтер һәм Дан елына багышланган иң мөһим чараларның берсе - «Җиңү диктанты» узды. Россия Федерациясе Мәгариф министрлыгы белән килештереп, катнашучыларның югары нәтиҗәләрен югары уку йортларына кергәндә өстәмә баллар белән санау да мөһим яңалык булды.
Билгеләп үтик, диктантны теләсә кайсы теләүче яза ала. Ул ике форматта үтте. Көндезге форматта - безнең районда моның өчен мәйданчык - «ТР Буа шәһәренең 1 нче урта гомуми белем бирү мәктәбе» булды, шулай ук дистанцион рәвештә - https://диктантпобеды.рф/ сайтында , шул исәптән смартфон өчен кушымта аша да.
Буа районында «Җиңү диктанты» Бөтенроссия акциясендә Буа муниципаль районы җитәкчесе Ранис Камартдинов, район башлыгы урынбасары Илдар Еремеев, «Буа муниципаль районы мәгариф идарәсе» МКУ башлыгы Илгиз Ханбиков, «Буа муниципаль районының Яшьләр эшләре, спорт һәм туризм идарәсе» МКУ башлыгыЕвгений Илюшин, Буа муниципаль районының Ветераннар советы рәисе Җәүһәрия Хөснетдинова, «Бердәм Россия» партиясенең Буа җирле бүлекчәсе башкарма секретаре Наталья Храмова, укучыларның әти-әниләре һәм укучылар катнашты.
Чара мәктәп укучыларының концерт программасы белән башланып китте. Аннары барлык катнашучыларны район җитәкчесе Ранис Камартдинов сәламләде.
«Җиңү бәясенең бик югары булуын без барыбыз да беләбез. Фашизмга каршы сугыш илебезгә бик күп югалтулар һәм җимерелүләр алып килде. 27 миллионга якын совет кешесе һәлак булган, шуларның 7 меңнән артыгы - безнең якташларыбыз. Бу куркыныч саннарны безгә дәреслекләр һәм белешмәлекләр күрсәтә. Ә бит бу саннарның һәрберсендә кемнеңдер гомере, кемнеңдер өметләре, балалары, ата-аналары, туганнарын югалткан гаиләләр бар. Мин ышанам ки, монда утырган һәрберебезнең гаиләсе Бөек Ватан сугышы вакыйгаларына бәйле. Һәркайсыбызның диярлек бу сугышта катнашкан бабалары, әбиләре, туганнары бар. Фашизмны җиңү кан, тиңдәшсез каһарманлык, авыр хезмәт һәм халкыбызның кире кайтаргысыз югалтулары һәм дошманны җиңүгә ышанычы белән ирешелгән. Бөек Ватан сугышы еллары вакыйгалары турындагы хәтер безне, җәмгыятебезне берләштерергә һәм дәүләтебезне киләчәктә тагын да ныгытырга тиеш. Бүген дә, Җиңү диктантында катнашып, без шул бөек елларга хөрмәт күрсәтәбез, хэтеребезне барлыйбыз! – дип билгеләде Ранис Рафис улы һәм барысына да уңышлар теләде.