Буалылар "Өмет йолдызы - Звезда надежды " эстрада сәнгате фестивалендә уңышлы чыгыш ясадылар

2021 елның 21 феврале, якшәмбе

Буа районы мәдәният хезмәткәрләре Апаста узган “Өмет йолдызы – Звезда надежды” районара эстрада сәнгате фестивалендә катнаштылар. Фестиваль нәтиҗәләре буенча, "Ләйсән" халык җыр һәм бию ансамбленә һәм "Вокал соло" номинациясендә Зөлфинә Әхмәтовага катнашкан өчен дипломнар тапшырылды, Илсөяр Кузьмина "Вокал соло" номинациясендә - 3, Олеся Васина-2, "Вокал дуэты" номинациясендә 2 урынны Сиринә һәм Илгиз Усмановлар яулады. Буа шәһәренең Мәдәни үсеш үзәгенең "Сөембикә" татар фольклор коллективы диплом һәм махсус приз белән бүләкләнде.

Гомумән алганда, Буа муниципаль районы артистларының чыгышларына  югары бәяләнде һәм 1 урын бирелде.