Барсын да беләсе килә!

2021 елның 25 марты, пәнҗешәмбе

Бүген "ТР Буа шәһәренең 5нче гимназиясе" МББУндә сәләтле балаларны ачыклау, иҗатка ярдәм итү һәм интеллектуаль инициативаны үстерү, аларны тикшеренү эшчәнлегенә җәлеп итү максатыннан "Барысын да белергә телим! " традицион IV төбәкара фәнни-гамәли конференциясе үтте. Конференциядә Тәтеш, Чүпрәле, Апас, Арча, Бөгелмә, Мамадыш, Ульяновск, Буа, Яшел Үзән районнары, Әлмәт һәм Казан шәһәрләренең 1-4 сыйныф укучыларының проект-тикшеренү эшләре тәкъдим ителде. Конференция нәтиҗәле узды. Жюри әгъзалары укучыларның югары әзерлеген билгеләп үттеләр. Барлык катнашучылар да дипломнар һәм сертификатлар белән бүләкләнде.