«Баланы тәрәзәдән егылудан ничек сакларга?»

2021 елның 5 июле, дүшәмбе

Хөрмәтле әти-әниләр!

Җәйнең икенче ае җитте, һәм, кызганычка каршы, күп кенә ата-аналар ачык тәрәзәнең бала өчен куркыныч булырга мөмкин булуын оныталар.

Тәрәзәдән егылып төшү - балаларның имгәнүе һәм үлүенең төп сәбәпләренең берсе, бигрәк тә шәһәрләрдә. Балаларда табигый кызыксынучанлык ачык тәрәзәдән егылуга китерә. Ел саен биектән егылып төшүдән бик күп балалар һәлак була. Уяу булыгыз!

Ата-аналарга тәкъдимнәр: «Баланы тәрәзәдән егылудан ничек сакларга?»

• Бала өйдә булганда тәрәзәләрне ачык тотмагыз!
• Тәрәзә янына бала басып менәрлек җиһазлар урнаштырмагыз !.
• Бервакытта да москит сеткалары баланы саклар дип ышанмагыз! Алар егылудан сакламаячак! Киресенчә бала  тәрәзәгә таянган кебек аңа ышанып таянырга мөмкин. Бик күп очракларда бала саклагыч сетка белән бергә егылып төшә!
• Бала тәрәзәне мөстәкыль ачмасын өчен тәрәзә блокираторларын куйдырыгыз.
• Тәрәзә рәшәткәләре куйдырыгыз. Алар ачык тәрәзәдән баланың егылып төшүен булдырмаячак.
• Әгәр дә сез балага тәрәзәдән нидер күрсәтәсез икән – тәрәзәне һәрвакыт нык итеп беркетегез, баланың кискен хәрәкәтләренә әзер булыгыз. Сез аларны беркеттерергә  монтаж белән шөгыльләнүче махсус фирмаларга мөрәҗәгать итә аласыз һәм сезнең типка иң туры килә торган тәрәзәләрне сайлый аласыз.
• Балаларга куркынычсызлык дәресләрен өйрәтегез.Өлкән балаларны кечеләрен карарга өйрәтегез.
• Бервакытта да баланы караусыз калдырмагыз!

Балагызның гомерен саклаучы кагыйдәләрне истә калдырыгыз!

        Хөрмәт һәм балаларыгыз турында кайгырту белән, Татарстан Республикасында Бала хокуклары буенча вәкаләтле вәкил Ирина Волынец