Буа районында мәктәпләрнең һәм мәгариф учреждениеләренең яңа уку елына әзерлеген тикшерделәр
Буа районында мәктәп, мәктәпкәчә белем бирү учреждениеләренең яңа 2021/2022 уку елына әзерлеген тикшерү буенча комиссия тикшерүе узды
Яңа уку елы башланырга бер айдан да ким вакыт калып бара. Районның барлык гомуми белем бирү учреждениеләре 1 сентябрьдә укучыларны кабул итәргә әзер булырга тиеш. Белем бирү учреждениеләрен яңа уку елына кабул итү комиссиясен район башлыгы Ранис Камартдинов җитәкләде.
Комиссия учреждениеләр территориясен карап чыкты, мәктәп яны участокларының һәм биналарның эчке һәм тышкы торышын; башлангыч, урта һәм өлкән буын, профильле укыту кабинетларының әзерлеген бәяләде. Үткәрелгән капиталь ремонтның сыйфатын тикшерделәр. Шулай ук район башлыгы укытучылар составы белән дә аралашты. Укытучылар укыту процессын яхшырту һәм кабинетларны төзекләндерү өчен үзләренең теләкләрен җиткерделәр.
Ранис Камартдинов мәктәпләрнең, нигездә, укучыларны кабул итәргә әзер булуын билгеләп үтте, әмма кабинетларны уңайлы итәргә һәм аларны күрсәтмә материаллар белән җиһазландырырга кирәк, бу балалар мәгълүматны телдән генә түгел, ә күрү аша кабул итсен өчен кирәк. Хәзер кабинет диварлары артык буш.