Татарстанда халык санын алу - 2021дә 7 меңнән артык исәпкә алучы катнашачак
Татарстанда Халык санын алу - 2021дә 7 108 исәпкә алучы һәм 1 185 контролер катнашачак. Халык санын алуда беренче тапкыр волонтерлар сыйфатында 485 кеше катнашачак, дип хәбәр итә TATCENTER
«Россия тарихында беренче санлы халык санын алуга әзерлек ахыргы стадиягә чыкты. Республика районнарында һәм шәһәрләрендә исәпкә алу персоналын сайлау тәмамланды», - дип билгеләп үтте Татарстанстат.
Агымдагы елның августында РФ премьер-министры Михаил Мишустин Бөтенроссия халык санын алуның яңа даталарын билгели торган карарга кул куйды. Чараның төп этабы 2021 елның 15 октябреннән 14 ноябренә кадәр узачак. Халык санын алу 20 декабрьгә кадәр дәвам итәчәк.
Халык санын алу даталарын инде берничә тапкыр күчерделәр. Әгәр башта бу илдәге эпидемиологик вәзгыять белән бәйле булса,соңгы күчерүнең сәбәбе-Дума сайлаулары. Хөкүмәт төбәкләргә җирле хакимиятләр бердәм тавыш бирү көнен оештыруда катнашачак ресурсларны (инфраструктураны һәм персоналны) яңадан профильләргә өлгерергә вакыт калдырды.