Буа районы командасы җиңү яулады!

2021 елның 14 сентябре, сишәмбе

Узган ял көннәрендә Ульяновск шәһәре көненә багышланган хоккей буенча иптәшләрчә матч узды. Буа районы һәм Ульяновск өлкәсе хоккей командаларының  бу икенче иптәшләрчә очрашуы. Беренчесе Буада үткән иде.

- Гадел һәм тигез көрәштә кабат очрашуыма шатмын. Ульяновск өлкәсе хакимиятенә җылы каршы алулары һәм бик яхшы оештырулары өчен рәхмәт белдерәбез. Мондый иптәшләрчә турнирлар традициягә әверелер дип ышанам, - дип билгеләп үтте үз чыгышында команда капитаны, район башлыгы Ранис Камартдинов.

Командалар тулы көчкә чыгыш ясадылар. Соңгысына кадәр исәп тигез иде. Тик бәхет бу юлы буалыларга елмайды!

Җиңү белән, Буа!