Эш башлаучы фермер мәктәбе: авылда үз эшен ачарга теләгән кешеләр өч көнлек укуга чакырыла
Мәктәп 27-29 октябрь көннәрендә «Идел» яшьләр үзәгендә узачак һәм яңа эш башлаучы эшмәкәрләрне һәм авылда үз фермер эшен ачарга теләүче яшь кешеләрне җыячак. Сез әле үз эшегезне нинди урында башлаячагыгызны ачыкламагансыз, әмма ул кабатланмас булырга тиешлеген төгәл беләсез? Агробизнесны ничек башларга?
Белем бирү программасы 3 блоктан тора: «Бизнесны башлап җибәрү», «Үсеш юллары» һәм «Авыл хуҗалыгы бизнесын алга җибәрү». Чараның төп максаты-үз бизнесларын крестьян-фермер хуҗалыгы өлкәсендә эшмәкәрлек эшчәнлеге нигезләрен өйрәтү, аларда үз эшләрен уңышлы башлау өчен кирәкле белемнәр һәм осталыклар формалаштыру, авыл яшьләре арасында бизнес-планлаштыру күнекмәләрен үзләштерү һәм эшкуарлыкны популярлаштыру. Мәктәпне тәмамлангач, һәр катнашучыга дәүләт үрнәгендәге сертификат тапшырылачак, ул Татарстан Республикасы Авыл хуҗалыгы һәм азык-төлек министрлыгының грант конкурсларында өстәмә баллар алуны күздә тота. Анда катнашу өчен авылда үз бизнесларын башларга теләүчеләр, яшь фермерлар, шулай ук бер елдан да ким эшләмәүче крестьян-фермер хуҗалыклары башлыклары чакырыла.
Катнашу өчен түбәндәге сылтама буенча онлайн форма тутырырга кирәк https://clck.ru/Y2oPr - 22 октябрьгә кадәр.
Чараны оештыручылар: «Татарстан Республикасы Аграр яшьләр берләшмәсе» РИО, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы.