Буа районы фермерлары кәбестә уңышын җыя

2021 елның 18 октябре, дүшәмбе

Кәбестәне фермер Айрат Сабирҗанов ике гектарда үстергән. Тиз өлгерешле сортлысының  беренче машиналарын җәй көне сатуга җибәрделәр. Хәзер соңгы уңышны җыеп алалар.

Рим Минһаҗев, Аксу авылында яшәүче:

- Кәбестә әйбәт. Кайберләре 10-12 килограммга җиткәннәр. Яңгырлар булмауга карамастан, ул сусыл.

Фермер Айрат Сабирҗанов дым җитмәү шартларында да яхшы уңыш үстерә алды. Аның үз лайфхаклары бар.

Айрат Сабирҗанов, «Сабирҗанов» КФХ җитәкчесе:

- Сыек ашламалар бар. Алар яфраклардан тукландырдылар. Быел корылык аркасында үсемлекләрнең тамырлары эшли алмады.

Җыеп алганнан соң кәбестәне складларга алып китәләр, аннан соң яшелчәне супермаркетларга озатачаклар. Кәбестәнең бер килограммы 17-18 сум булачак.

Сюжетны Татарстан ДТРК сайтында карарга мөмкин