Буадан махсус хәрби операция зонасына гуманитар ярдәм җибәрелде
Махсус хәрби операция уздыру зонасына Буа районнан киткән ир-атларга гуманитар ярдәм җибәрде. Аны Яңа елга илтеп җиткерү өчен тизләтелгән темплар белән җыйдылар, дип хәбәр иттеләр район матбугат хезмәтендә.
Бу юлы буржуй мичләре, генераторлар, бензопилалар, ракета мичләре, җылы киемнәр, озак саклана торган продуктлар җыелды. Сугышчыларга җибәрү өчен ике автомобильне иганәче бүлеп биргән, ул үзен танытмый калуны теләгән.
«Без шәхси посылкалар да җыйдык, балар да матур теләкләре белән якташларыбызны үз рәсемнәре белән шатландырачак. Безнең егетләр һәм аларның туганнары арасында да туры элемтә урнаштырылган. Һәрвакыт элемтәдә һәм, аларның үтенечләрен исәпкә алып, барлык кирәк-яракларны тәэмин итәргә тырышабыз», - дип сөйләде район башлыгы Ранис Камартдинов йөкне озатканда.
Армия өчен тактик җайланмаларны район волонтерлары әзерләгән. Буа ветеринария техникумы студентлары буржуй-мичләр, Фроловодагы хәйрия склады базасында окоп шәмнәре ясаганнар, бөтен район белән тактик носилкалар тегүне дәвам итәләр, ракета мичләре һәм маскировка челтәрләре ясыйлар.
«Ир-егетләргә күбрәк баллы, татлы ризыклар җибәрдек, бу хакта алар бездән үзләре дә сорадылар. Йөкне - безнең сугышчан хәрәкәтләр ветераннары илтеп тапшырачак», - дип тә хәбәр итте Ранис Камартдинов.
Йөкне Буа районы хәрби хәрәкәтләр ветераннары озата бара. Исегезгә төшерәбез, Буада гуманитар колонна формалаштыру өчен хәйрия концерты узды, анда 50 мең сумнан артык акча җыя алдылар. Шулай ук иганәчеләр, эшмәкәрләр һәм районыбыз предприятиеләре дә зур ярдәм күрсәтте.
Без бергә һәм без бердәм!