Ишкәкле спорт төрләре үзәгендә «ГТО уеннары» чемпионнары фестивале узачак
4-5 февральдә Казанда «Ишкәкле спорт төрләре үзәге» күпфункцияле комплексы базасында Татарстан Республикасында «ГТО уеннары» Бөтенроссия физкультура-спорт комплексы чемпионнары фестивале узачак.
Фестиваль берничә этапта үтә: сайлап алу һәм финал ярышлары. Һәр этапта Татарстан Республикасының шәһәр һәм муниципаль районнары командалары катнаша. Һәр команда составына 18 дән 49 яшькә кадәрге 6 кеше керәчәк (VI-VIII баскыч). Сүз уңаеннан, Казан командасы составында «ГТО уеннары» Бөтенроссия фестивалендә катнашучы тәкъдим ителәчәк, ул Татарстан җыелма командасын 2022 елда Самарада узган уеннарда тәкъдим иткән Андрей Модин.
«ГТО уеннары»ның тантаналы ачылышы 4 февральдә 11:00 сәгатьтә. Финал ярышлары һәм бүләкләү тантанасы икенче көнне - 5 февральдә узачак. Һәр этапны сынау исемлегенә озынлыкка сикерү, гер күтәрү, канат буенча күтәрлү кебек ГТО комплексы күнегүләре кертеләчәк. Һәр команда биремнәрне эстафета форматында үтәячәк.
Шунысын да билгеләп үтәргә кирәк, «ГТО уеннары» Чемпионнар фестивале «Демография» илкүләм проектын, «Спорт - тормыш нормасы» Федераль проектын гамәлгә ашыру кысаларында уздырыла. Фестивальне уздыруның максаты - гражданнарны системалы рәвештә физик культура һәм спорт белән шөгыльләнүгә җәлеп итү.
2022 ел нәтиҗәләре буенча ГТО gto116.ru төбәк операторы порталында миллионга якын кеше теркәлде. Аларның 340 425 кулланучысы ГТО нормативларын иң яхшы билгеләренә тапшырды.