Буада Укытучы һәм остаз елына рәсми старт бирелде!
«Хәерле юл, алга!» - дип бизәлгән иде Мәдәни үсеш үзәге бинасы. Буада кадерле укытучыларыбызга һәм тәрбиячеләребезгә багышланган елга старт бирелде. «Без «Ел укытучысы-2023», «Педагогик дебют», «Иң яхшы татар теле һәм әдәбияты укытучысы», «Ел тәрбиячесе», «Кеше тәрбиячесе» һәм «Йөрәгемне балаларга бирәм» республика һәм Бөтенроссия конкурсларының муниципаль этабы призерларын һәм лауреатларын хөрмәтләдек.Бүген сәхнәгә педагог һөнәре-гаилә тормышына әверелгән укытучылар чыкты, » - дип билгеләп үтте район башлыгы Ранис Камартдинов социаль челтәрләрдә.
Һөнәри осталык конкурслары ел саен алдынгы педагогик тәҗрибәне ачыклау һәм тарату, белем бирү процессында катнашучылар – укытучылар һәм сыйныф җитәкчеләре, өстәмә белем бирү педагоглары һәм оештыручы-педагоглар, балалар иҗтимагый берләшмәләре җитәкчеләре һәм тәрбиячеләрнең һөнәри осталык дәрәҗәсен күтәрү максатыннан үткәрелә. Кемгәдер профессиональ конкурс-тормышта яңа этапның башы, кемгәдер педагог карьерасында беренче мөстәкыйль җитди адымнар. Ләкин конкурс һәрвакыт аның катнашучысын ачу, педагогик күктә яңа йолдыз кабызу ул .
Татарстан Республикасында педагогик гаиләләрне, гаилә кыйммәтләрен, һөнәренә тугрылыкны һәм Гомумроссия мәгариф профсоюзына керүне популярлаштыру максатында «Икесенә бер һөнәр» проекты тормышка ашырыла.
Районыбызның белем бирү учреждениеләрендә гаиләдә икесе дә педагог һөнәрен сайлаган 48 гаилә бар. Андыйларны «Сайлаган һөнәренә тугрылык өчен» номинациясендә котладылар:
1) Зыятдиновлар гаиләсен. Әзһәр Әкрәм улы – Роальд Сәгъдиев исемендәге урта мәктәпнең тарих һәм җәмгыять белеме укытучысы һәм Рима Һади кызы-2 нче лицейның башлангыч сыйныфлар укытучысы, хәзер пенсия ялында, 43 ел алар бер һөнәрне икегә бүлешеп эшләделәр. Тәтеш педагогия училищесында укыган елларда танышып, 1980 елда гаилә коралар, ике матур кыз үстергәннәр. Бүген аларны өч онык сөендерә.
2) Ложковлар гаиләсен: Әлши урта мәктәбенең Владимир Фёдорович-физик культура укытучысы, Светлана Анатольевна - туган тел һәм әдәбият, Әлши технология укытучысы. Гаиләнең гомуми педагогик стажы 80 ел һәм бу елларның һәрбересе дә туган Әлши урта мәктәбендә узган. Владимир Федорович һәм Светлана Анатольевна өч бала тәрбияләп үстергәннәр. Гаиләдә сәламәт яшәү рәвеше алып баралар, спорт белән актив шөгыльләнәләр, ә Светлана Анатольевна буш вакытында рәхәтләнеп кул эшләре белән шөгыльләнә.