СМС аша салым бурычы турында ничек белергә? Салым түләүченең ризалыгы гына кирәк!
Мәгълүмат бирүгә ризалыгын биреп, салым түләүче салымнар буенча бурычлар турында мәгълүматны телефонга СМС-хәбәрләр яки электрон почтага E-mail хатлар рәвешендә ала алачак. Җибәрү 3 айга 1 тапкырдан да ешрак башкарылмый.
Салым инспекциясеннән хәбәрләр ала башлау өчен, Федераль салым хезмәтенә язма ризалык бирергә кирәк.
Ризалыкны түбәндәгеләр ярдәмендә тапшырырга мөмкин:
-электрон формада Россия Федераль салым хезмәте сайтында физик затлар өчен салым түләүченең шәхси кабинеты сервисы аша nalog.gov.ru. моның өчен шәхси кабинет профиленең «контакт мәгълүмат - көйләү» блогына тиешле мәгълүмат кертергә кирәк.
- электрон формада «ФЗ салымнары» мобиль кушымтасы аша. Моның өчен «мөрәҗәгать – башка ситуацияләр» блогына тиешле мәгълүмат кертергә кирәк.
- шәхсән яки вәкил аша;
-почта аша заказ хаты белән.
«Ризалык» формасын тутырганда, Шәхси кабинет аша хәбәр итүнең төрен күрсәтергә кирәк, атап әйткәндә, телефон номеры яки электрон почта аша хәбәр итәргә һәм «Ризалык» не электрон имза белән имзалап расларга кирәк. Күрсәтелгән телефон номеры яки электрон почта мәгълүмат бирү өчен үзгәртелгән очракта, ризалыкны салым органына кабат җибәрергә кирәк.