Буада төзелеш һәм ремонт объектлары буенча традицион очрашуны «Безнең ишегалды » программасына багышладылар
Быел Татарстан Республикасы Рәисе инициативасы белән эшләнгән программа буенча Буада 14 йорт яңартылачак. Аларның кайберләрен атна саен йөрү кысаларында карадылар. - төзекләндерү өчен киләчәк киңлек җитди әзерлеккә мохтаҗ: хәзерге вакытта ул территорияләрне сарайлар биләп тора. Аларның күбесе законсыз урнаштырылган, рәсмиләштерелмәгән һәм ярым җимерек халәттәгеләре дә күп. Вокзал урамындагы йортларда яшәүчеләр белән шәхсән очрашырбыз, монда сарайлар аеруча күп. Очрашырбыз һәм сөйләшербез: үсештә булган шәһәрдә мондый корылмаларга урын юк. Атна саен сөйли торган объектлар да төзелә: Яшьләр үзәгенең әзерлеге - 85 процент, Балалар шифаханәсенең - 45 процент, - дип хәбәр итте район башлыгы Ранис Камартдинов социаль челтәрләрдә.
Шулай ук Яшьләр урамында күп фатирлы ипотека йорты төзелеше торгызылуы турында да хәбәр ителә.