Татарстанда 17 апрельдән 10 майга кадәр махсус янгынга каршы режим кертелә
Татарстан Республикасы Министрлар Кабинетының «Татарстан Республикасы территориясендә махсус янгынга каршы режим урнаштыру турында» 2023 елның 30 мартындагы 376 номерлы карары белән 17 апрельдән 10 майга кадәр республика территориясендә махсус янгынга каршы режим кертелә.
Искәртеп узабыз, махсус янгынга каршы режим вакытында янгын куркынычсызлыгы таләпләрен үтәмәгән өчен административ җаваплылык чарасы 2 тапкыр арттырылды:
-гражданнарга 10 меңнән 20 мең сумга кадәр;
-вазифаи затларга 30 меңнән 60 мең сумга кадәр;
-юридик зат оештырмыйча эшкуарлык эшчәнлеген алып баручы затларга 60 меңнән 80 мең сумга кадәр;
-юридик затларга 400 меңнән 800 мең сумга кадәр.
Быелның төп үзенчәлеге-бу чорда учак ягуны, каты көнкүреш калдыкларын, коры үләнне һәм чүп-чарны яндыруны тулысынча тыю.
Шулай ук янмый торган махсус савытларда (мангалларда, кыздыру урыннарында һ. б.), ризыкны җылылык белән эшкәртү өчен башка җайланмаларда, урман янгыннары һәм башка ландшафт (табигый) янгыннар куркынычы янаган торак пунктларда, гражданнар бакчачылык алып барган территорияләрдә (алга таба – бакчачылык яки бакчачылык ширкәте), урман янгыннары куркынычы янаган, балаларның ял итү һәм аларны сәламәтләндерү оешмалары территорияләре, урман янгыннары куркынычы янаган, шулай ук урман массивлары белән чиктәш булган икътисад объектлары, җәмәгать туклануы объектлары (рестораннар, кафелар, барлар һ. б.) территориясендә урнашкан һәм файдаланыла торган мангаллардан һәм башка җайланмалардан тыш ук ризык әзерләү өчен ачык ут куллану тыела;
Моннан тыш, әлеге карар белән Татарстан Республикасы Муниципаль берәмлекләре башлыкларына:
урман янгыннары һәм башка ландшафт (табигый) янгыннар куркынычы янаган торак пунктларда вакытлыча янгынга каршы постлар булдыру;
торак пунктларны янгынга каршы яклауны ныгытуга, шул исәптән чүп-чарны, үләнне, яфракларны һәм башка калдыкларны, материалларны һәм әйберләрне яндыру урыннарын һәм ысулларын билгеләүгә юнәлдерелгән муниципаль хокукый актларны кабул итәргә;