«Татарстан шуның белән көчле дә»: Ураза бәйрәме көнендә Буа районында православие литургиясен митрополит Кирилл башкарды
Татарстан митрополиясе башлыгы Кирилл Буа муниципаль районында булды һәм Зур Фролово авылында Казан Алла Анасы иконасы гыйбадәтханәсендә Пасха чинында литургия үткәрде. Шулай ук митрополит дин тотучылар белән очрашты. Район башлыгы Ранис Камартдинов үзенең телеграм-каналындагы кадрлар белән уртаклашты. Һәм бу көн район халкы өчен икеләтә үзенчәлекле булды, дип билгеләп үтте.
«Бу Татарстанның аерым көче: бәйрәм көнендә Буа районында митрополия башлыгы Пасха чины белән литургия үткәрде. Без Рус Православие чиркәве, башка традицион конфессияләр белән мәгариф, мәдәни, мәгърифәтчелек һәм башка программалар кысаларында уңышлы хезмәттәшлек итәбез, мәдәниятләребезне саклауга, яшьләрне агартуга зур игътибар бирәбез», -дип ассызыклады район башлыгы.
Зур Фролово авылында шулай ук гуманитар склад урнашкан, ул районның мобилизацияләнгән халкына ярдәм итүгә бәясез өлеш кертә. Активистлар монда яшәүчеләрдән ярдәм туплау белән генә чикләнми, ә шулай ук окоп шәмнәре һәм тактик носилкалар да ясыйлар.
Ә иртән район мәчетләрендә Гает бәйрәме уңаеннан бәйрәм намазлары үтте. Район башлыгы уллары Рамзан һәм Рәхим белән бергә мәчеткә килде һәм изге Рамазан ае тәмамлану белән котлады.