Буада Чик сакчысы көне билгеләп үтелде

2023 елның 29 мае, дүшәмбе

28 майда Россиядә Чик сакчысы көне билгеләп үтелә. Бу Көнгә багышланган тантаналы чара бүген Буа шәһәренең Үзәк паркында, чик буе гаскәрләре хәрбиләре һәйкәле янында узды. Сугыш ветераннары ел саен монда хезмәт елларын искә алу, сугышчан иптәшләре белән очрашу һәм һәлак булган хезмәттәшләрен искә алу өчен җыелалар.

Бәйрәм белән район башкарма комитеты җитәкчесе урынбасары Лилия Садретдинова, район ветераннар (пенсионерлар) Советы рәисе Җәүһәрия Хөснетдинова котладылар.

Һәлак булган чик сакчылары турында истәлекне  чарада бер минут тынлык белән хөрмәтләделәр.