«iВолга» Идел буе федераль округының яшьләр форумына чакырабыз
2023 елның 21-29 июлендә Самара өлкәсенең Мастрюков күлләре территориясендә «іВолга» Идел буе федераль округының яшьләр форумы (алга таба – Форум) узачак. 2023 елда форум программасының төп темасы «вакыйгаларны оештыру» булачак. Форум программасы 8 белем бирү сменасы һәм 3 махсус трек буенча узачак. Катнашучыларның планлаштырылган саны 1900 кеше.
Программада катнашучыларны сайланган смена буенча тренинг дәресләре, яшьләр проектлары конкурсы, фәнни һәм гамәли конференцияләр һәм мастер-класслар, төрле юнәлешләр буенча төбәкара вузара ачык ярышлар, түгәрәк өстәлләр, күргәзмәләр, фестивальләр, акцияләр, инициативалар ярминкәләре, турнирлар, федераль, округ экспертлары белән очрашулар һәм төбәк дәрәҗәсендәге дискуссияләр, шулай ук мәдәни-ял, спорт һәм туристлык-туган якны өйрәнү программалары көтә.
2023 елның 2 маеннан форумның гариза кампаниясе ачылды. Катнашу өчен гаризалар 2023 елның 8 июненә кадәр форумның рәсми сайтында кабул ителә (https://ivolgaforum.ru), шулай ук Росмолодежь платформасында теркәлү узарга кирәк (https://events.myrosmol.ru/).
Форумда 18 яшьтән алып 35 яшькә кадәрге Россия Федерациясе гражданнары катнаша ала, шулай ук 14 яшьтән алып 17 яшькә кадәрге яшьләр катнаша ала.