Буада ир - атка алимент буенча 450 мең сумлык бурычы өчен хөкем карары чыгарылды

Буа шәһәр прокуратурасы 46 яшьлек җирле яшәүчегә карата җинаять эше буенча дәүләт гаепләвен хуплады. Суд ир-атны РФ Җинаять кодексының 157 ст. 1 өлеше тарафыннан каралган җинаятьне кылуда гаепле дип тапты (әгәр бу гамәл берничә тапкыр башкарылган булса, балигъ булмаган баланы матди яктан карап тору өчен ата-ананың суд карары белән билгеләнгән акчаларны түләмәү).

Суд карары буенча ир-ат хезмәт хакының 1/4 өлеше күләмендә кече яшьтәге кызын тотуга ай саен акча түләргә тиеш булган. Әмма 2022 елның августыннан 2023 елның февраленә кадәр хөкем ителүче алимент түләүдән кача һәм балага матди ярдәм күрсәтми. Шул ук вакытта элегрәк аны шундый ук хокук бозулар өчен административ һәм җинаять җаваплылыгына җәлеп иткәннәр иде.

Алиментлар буенча гомуми бурыч 450 мең сумнан артык тәшкил итте.

Суд ир-атны колония-поселениедә җиде айга ирегеннән мәхрүм итүгә хөкем итә.

Хөкем карары законлы көченә керми.