Буада Гаилә, мәхәббәт һәм тугрылык көненә багышланган тантаналы чара узды
Гаилә, мәхәббәт һәм тугрылык көне алдыннан ГХАТ бүлегендә әлеге бәйрәмгә багышланган тантаналы чара узды. Юбилярларны һәм кунакларны «Объективта гаилә» акциясен үткәргән ветеринария техникумы студентлары каршы алды. Туган якны өйрәнү музее тарафыннан «Гаилә альбомын карап» фотокүргәзмәсе оештырыла.
Бу бәйрәм көнендә 55 һәм 50 ел бергә яшәгән дүрт гаилә парларын хөрмәтләделәр, 65, 60, 55 ел бергә яшәүләрен билгеләп үткән 4 гаиләне өйдә котладылар.
Юбилярларны Буа муниципаль районы Башкарма комитеты җитәкчесе Ленар Шакирҗанов тәбрикләде, Буа муниципаль районы башлыгы Ранис Камартдинов исеменнән истәлекле бүләкләр һәм чәчәк бәйләмнәре тапшырды.
«Мәхәббәт һәм тугрылык өчен» медале белән Азһәр Әкрамович һәм Рима Һадиевна Зыятдиновлар гаиләсе бүләкләнде, алар быел бергә яшәүләренең 43 елын билгеләп үтәләр. Үрнәк гаилә, ир белән хатын күпьеллык педагогик стажга ия. Юбилярлар адресына балалары, оныклары һәм хезмәттәшләре җылы сүзләр белән чыгыш ясадылар.
Район Башлыгының Рәхмәт хаты белән Артемьевлар гаиләсе «Нечкәбил-2023» республика конкурсында актив катнашканнары өчен, «Минем гаиләм-минем байлыгым» темасына республика рәсем конкурсының финал этабында катнашканнары өчен Татарстан Республикасы Министрлар Кабинеты ГХАТ Идарәсе дипломы белән Милена Садовникова ( Әлши урта гомуми белем бирү мәктәбе), Мәлик Туляков ( 2 нче лицей) һәм Альбина Зөлхәрова ( Р.Сәгъдиев ис. мәктәп) бүләкләнде.