Буа районында көзге культураларны җыюга керештеләр

2023 елның 18 июле, сишәмбе

Буа районы хуҗалыклары  көзге бөртекләрне һәм борчакны күпләп җыеп ала башладылар. Бу көннәрдә басуларда 30дан артык комбайн эшли, ашлыкның дымлылыгы 13-16%, дип хәбәр итте район башлыгы Ранис Камартдинов үзенең телеграмма-каналында.

«Көзге бодайның уртача уңышы-гектардан 38 центнер, борчакның – 22 центнер! Һава шартлары, уңышка тәэсир итсә дә, бу күрсәткечләргә без бик шат», - дип билгеләп үтте район башлыгы.

Буа районында барлыгы 43 мең гектар ашлык, 95 мең гектар шикәр чөгендере, шулай ук 5 мең гектар көнбагыш чәчелгән.